قازاقستاندىق ءانشى قىتايدىڭ مۋزىكالىق بايقاۋىنا قاتىسا ما

بەيجىڭ. KAZINFORM - قىتايدىڭ ينتەرنەت-ستريمينگ قىزمەتى IQIYI ۇسىنعان «ازيانىڭ جاڭا داۋىسى» مۋزىكالىق باعدارلاماسىنىڭ انونسىن جاريالادى. ۆيدەودا قازاقستاندىق ءانشى دانەليا تولەشوۆا دا بار.

مۋزىكالىق باعدارلاما تۋرالى اقپاراتتا بۇل بارلىق ازيانى قامتيتىن مۋزىكالىق بايقاۋ بولاتىنى ايتىلعان.

شوۋ جوسپارى بويىنشا ازيانىڭ ءتۇرلى ەلىنەن جۇزدەگەن جاس ءانشى كرۋيزدىك كەمەگە وتىرىپ، ازيانى ارالايدى. ساپار بارىسىندا انشىلەر «ازيا ءانشىسى» اتاعى ءۇشىن تالاسادى.

ساپاردىڭ مارشرۋتىنا جاپونيا، تايلاند، مالايزيا، سينگاپۋر جانە گونكونگ (قىتاي) كىرەدى.

انونستا ازيانىڭ ءارتۇرلى ەلىنەن جاس انشىلەر شاقىرىلىپ جاتقانى ايتىلادى، وسى تۇستا قازاقستاندىق ءانشى دانەليا تولەشوۆا دا كورسەتىلەدى.

ايتا كەتسەك، دانەليا الەكساندروۆنا تولەشوۆا - «گولوس. دەتي» (ۋكراينا) باعدارلاماسى ءتورتىنشى ماۋسىمىنىڭ جەڭىمپازى، «Junior Eurovision 2018» ءان بايقاۋىندا قازاقستاننىڭ اتىنان ءان ايتىپ، 6-ورىن العان.

سونداي-اق ءانشىنىڭ America' s Got Talent شوۋىندا ونەر كورسەتكەنى تۋرالى جازعان ەدىك.

اۆتور

مۇقتار مۇرات