قازاقستاندىق عالىم ا ق ش- تاعى قازاقتاردى زەرتتەپ ءجۇر

استانا. KAZINFORM - قازاقستاندىق عالىم ا ق ش- تاعى قازاقتاردى زەرتتەپ ءجۇر، - دەپ حابارلايدى 24KZ تەلەارناسى.

جىراقتا جۇرگەن قازاقتاردىڭ سانى 5 ميلليونعا جەتتى. بۇل – ا ق ش استاناسىندا عىلىمي تاعىلىمدامادان ءوتىپ جاتقان قازاق عالىمىنىڭ كەلتىرگەن دەرەگى. ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ كافەدرا مەڭگەرۋشىسى، PhD دوكتور گۇلناش اسحاتتىڭ ايتۋىنشا، ا ق ش- تاعى قازاقتارعا، ونىڭ ىشىندە جاستارعا ۇلتتىق بىرەگەيلىكتى ساقتاۋدا ءتۇرلى كەدەرگىلەر بار كورىنەدى.

«ءبىزدى كوبىرەك ويلاندىراتىن ماسەلە - بۇل ۇلتتىق بىرەگەيلىك. سەبەبى ءسىزدىڭ ۇلتتىق بىرەگەيلىگىڭىز قانداي ەلدەن، قانداي ۇلتتان ەكەنىڭىزدى كورسەتەتىن بىردەن-ءبىر بەلگىلەرى بولعاندىقتان، ساۋالنامالاردىڭ باسىم بولىگىن داستۇرگە، تىلگە، دىنگە دەگەن سياقتى بولىمدەرگە بولگەنمىن. قازاقتاردىڭ ءبىرازى بىرەگەيلىگىن ساقتاۋعا تىرىسىپ ءجۇر ەكەن، ءبىراق بىرەگەيلىگىن ساقتاۋعا ءبىراز كەدەرگىلەر بار، ياعني قاۋىپتەر»، - دەيدى عالىم، PhD دوكتور گۇلناش اسحات.

قازىرگى ۋاقىتتا نيۋ- يورك، ۆاشينگتون، لوس-اندجەلەس جانە چيكاگو قالالارىندا عانا قازاق مادەني ورتالىقتارى اشىلعان. ال ا ق ش- تاعى قازاقتاردىڭ سانى 100 مىڭنان اسقانىن ەسكەرسەك، 4 ورتالىقتىڭ ازدىق ەتەرى ءسوزسىز. «وسى ورايدا قانداستارىمىزدىڭ تۇرمىس-تىرشىلىگىن زەرتتەپ، ۇلتتىق بىرەگەيلىگىن ساقتاۋعا جاعداي جاساۋ اسا ماڭىزدى»، - دەيدى عالىم. ويتكەنى ءتىلى، ءدىلى، ءدىنى بولەك بۇل ەلدە ورتا باسقا.

«ۇلكەن جاستاعى ادامدار ساقتايدى بارىنشا ءداستۇردى، ءدىندى، سالتتى، ءتىلدى دەگەندەي. ءبىراقتا ولاردىڭ ۋايىمدايتىن ەڭ ۇلكەن ماسەلەلرىنىڭ ءبىرى - بۇل جاستار. ءوزىنىڭ ۇرپاعى ءۇشىن ۋايىمدايدى عوي. ءتىلىن ۇمىتىپ جاتىر. سەبەبى ورتا، مەكتەپ، بالاباقشا دەگەندەي. سونان كەيىن سىرتتا جۇرگەننەن كەيىن قازاقي مادەني ورتالىقتار جوقتىڭ قاسى ەكەن. سول ءۇشىن ءبىراق ءوزىمىزدىڭ مەملەكەتتىك ۇكىمەتتىك باعدارلاماعا ءوزىمىزدىڭ ۇسىنىسىمىزدى دايىنداپ جاتقانىمىز بار»، - دەيدى عالىم، PhD دوكتور گۇلناش اسحات.