قازاقستاندىق بيوتەحنولوگ قاتەرلى ىسىككە قارسى پرەپارات جاساپ شىعاردى
استانا. KAZINFORM - وتانداسىمىز، بيوتەحنولوگ دوس سارباسوۆ قاتەرلى ىسىككە قارسى ءدارى ويلاپ تاپتى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.
«وتانداسىمىز، بيوتەحنولوگ دوس سارباسوۆ تەحاس ونكولوگيالىق ۋنيۆەرسيتەتىنىڭ اندەرسون زەرتحاناسىندا ۇزاق ۋاقىت جۇمىس ىستەدى. ول جاسۋشالىق تاماقتانۋعا ماماندانعان. ول قاتەرلى ىسىك جاسۋشالارىنىڭ قورەكتىك پروتسەسىن بۇزۋدىڭ جولىن تابا الدى. بۇل ونكولوگيالىق اۋرۋلارمەن كۇرەسۋدىڭ يننوۆاتسيالىق ءتاسىلى»، - دەدى ساياسات نۇربەك ۇكىمەت وتىرىسىنان كەيىن وتكەن باسپا ءسوز ءماسليحاتىندا.
ءمينيستردىڭ ايتۋىنشا، يننوۆاتسيالىق ءدارىنى الدىمەن قوياندار مەن تىشقاندارعا سىناعان. سوسىن ونكولوگيا ۋنيۆەرسيتەتىندە 15 ادام سىناقتىڭ ءبىرىنشى كەزەڭنەن ءوتتى.
«ولار قاتەرلى ىسىكپەن اۋىراتىن ادامدار. كەلەسى جىلى نارىققا شىعۋدى جوسپارلاپ وتىرمىز»، - دەيدى ول.
اۆتور
داۋلەت ىزتىلەۋ