قازاقستاندىق بىتىمگەرلەر ماليدەن ەلگە ورالدى
ب ۇ ۇ- نىڭ ماليدەگى تۇراقتاندىرۋ جونىندەگى كوپسالالى كەشەندى ميسسياسىنىڭ قۇرامىندا (مينۋسما) ءبىر جىل قىزمەت ەتكەن قازاقستان قارۋلى كۇشتەرىنىڭ ەكى اسكەري قىزمەتشىسى ەلگە ورالدى، دەپ حابارلايدى kazinform.
ق ر قورعانىس مينيسترلىگىنىڭ مالىمەتىنە سۇيەنسەك، افريكا رەسپۋبليكاسىندا ولار شتاب وفيتسەرلەرى رەتىندە قىزمەت اتقارعان.
«ميسسيا بارىسىندا ءبىز اقپارات جيناپ، تالداۋ جاسادىق. ماتەريالدىق-تەحنيكالىق قامتاماسىز ەتۋ ماسەلەلەرى بويىنشا شتابقا ۇسىنىستار دايىندادىق، جاۋاپكەرشىلىك سەكتورلارىندا ب ۇ ۇ بازالارىنىڭ دايىندىعىن تەكسەردىك»، - دەدى بىتىمگەر ەرمەك تولەسوۆ.
قازاقستانعا كەلگەننەن كەيىن پودپولكوۆنيك ە. تولەسوۆ قورعانىس مينيسترلىگىنىڭ بىتىمگەرلىك وپەراتسيالار ورتالىعىندا وقىتۋشىلىق قىزمەتىن جالعاستىرادى. ول ب ۇ ۇ- نىڭ باسقا ميسسيالارى ءۇشىن بىتىمگەرلەردى دايىنداۋمەن اينالىسىپ، تاجىريبە بولىسەتىن بولادى. سەبەبى، ەرمەك تولەۋوۆ ماليدەن باسقا، بىرنەشە جىل بۇرىن باتىس ساحاراداعى ب ۇ ۇ ميسسياسىندا قىزمەت ەتكەن.