استانا. KAZINFORM - قازاقستاندىق بوكسشى انگەلينا لۋكاس (5-1، 2 ك و) باكۋدە (ازەربايجان) وتكەن كاسىپقوي بوكس كەشىندە ونەر كورسەتتى، دەپ حابارلايدى Sports.kz.
ول شارشى الاڭدا پاكىستاندىق سپورتشى روما يۋسافپەن (5-0-1، 2 ك و) كەزدەستى. بۇل جەكپە-جەك ەڭ جەڭىل سالماق دارەجەسىندە ءوتىپ، سەگىز راۋندقا جوسپارلانعان. بوكسشىلار WIBA نۇسقاسى بويىنشا الەم چەمپيونى اتاعى ءۇشىن جۇدىرىقتاستى.
جەكپە-جەكتە لۋكاس قارسىلاسىن ءبىرىنشى راۋندتا نوكاۋتپەن جەڭدى.
وسىلايشا، انگەلينا لۋكاس كاسىپقوي رينگتەگى التىنشى جەڭىسىنە قول جەتكىزىپ، بوس تۇرعان WIBA بەلبەۋىن جەڭىپ السا، روما يۋساف سپورتتىق مانسابىندا العاش رەت جەڭىلىپ قالدى.
بۇعان دەيىن لۋكاس WBC International جانە UBO چەمپيوندىق بەلدىكتەرىن دە جەڭىپ العان بولاتىن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан