بەرەكە بانكتىڭ جاڭا يەسى كىم

استانا. KAZINFORM - قاتارلىق Lesha Bank «بايتەرەك» ۇلتتىق باسقارۋشى حولدينگىنەن Bereke Bank-تى ساتىپ الدى.

كەلىسىمگە 2024 -جىلعى 31-ناۋرىزدا قول قويىلعان. مامىلە سوماسى 65 ميلليارد تەڭگەنى قۇراعان.

«كەلىسىمگە تاراپتار ساتىپ الۋ- ساتۋ مامىلەسىن اياقتاۋ ءۇشىن ورىنداۋعا ءتيىس الدىن الا شارتتار قولدانىلادى، ونىڭ ىشىندە «بايتەرەكتىڭ» قاجەتتى ماقۇلداۋىن الۋ دا جازىلعان. بۇل ماقۇلداۋ، ياعني كەلىسىمنىڭ كۇشىنە ەنۋى كەلىسىمنىڭ ساتىپ الۋ-ساتۋ مامىلەسىن اياقتاۋعا دەيىنگى باسقا شارتتارمەن، سونىڭ ىشىندە قۇزىرەتتى رەتتەۋشى جانە قاداعالاۋ ورگاندارىنان ءتيىستى رۇقسات الۋمەن رەتتەلەتىنىمەن راستالدى» دەپ جازىلعان Lesha Bank سايتىندا.

ەسكە سالا كەتسەك، «بايتەرەك» حولدينگى 2022 -جىلدىڭ قىركۇيەگىندە «سبەربانك قازاقستان» كومپانياسىنىڭ يەسى بولدى.

كەيىنىرەك سبەربانك اتاۋى Bereke Bank بولىپ وزگەردى.

2023 -جىلعى اقپاندا بانك وكىلى نۇرگۇل سالىقجانوۆا Kazinfrom اگەنتتىگىنە Bereke Bank-تەن سانكتسيا الىنىپ تاستالاتىنىن ايتقان ەدى.

اۆتور
ايجان سەرىكجان قىزى