قازاقستاندىق اۋىراتلەت سپورتتان 8 جىلعا شەتتەتىلدى
قازاقستاندىق اۋىراتلەت زۋلفيا چينشانلو حالىقارالىق اۋىر اتلەتيكا فەدەراتسياسى جانە WADA شەشىمىمەن سپورتتان 8 جىلعا شەتتەتىلدى.
بۇل ونىڭ ەكىنشى رەت دوپينگ قابىلداعانى انىقتالىپ، جازاعا تارتىلۋى.
زۋلفيا انتيدوپينگ ەرەجەسىن ەكىنشى رەت بۇزعانى ءۇشىن سپورتتان 8 جىلعا شەتتەتىلىپ وتىر. 2022-جىلدىڭ سوڭىندا تاپسىرعان قان سىناماسىنان «مەتانديەنون» پرەپاراتى تابىلعان.
7 جىل بۇرىن حوك WADA كومەگى ارقىلى 2012-جىلعى لوندون وليمپياداسى چەمپيونىن دوپينگ قولدانعانىن انىقتاعان ەدى. ناتيجەسىندە زۋلفيانى چەمپيوندىق اتاعىنان ايىرىپ، 10.06.2016 - 10.06.2018 ارالىعىندا جارىستاردان شەتتەتكەن بولاتىن.
سپورتقا قايتا ورالعاننان كەيىن زۋلفيا توكيو وليمپياداسىندا قولا جۇلدەگە قول جەتكىزدى. ازيا چەمپيوناتىندا العاش رەت توپ جاردى.
30 جاستاعى سپورتشى حالىقارالىق اۋىر اتلەتيكا فەدەراتسياسى مەن WADA شەشىمىنە قارسى شاعىم تۇسىرە الادى.