قازاقستاندىق اتوم ەلەكتر ستانسيالارى «سامۇرىقتان» اگەنتتىككە ءوتتى
استانا. KAZINFORM - «قازاقستاندىق اتوم ەلەكتر ستانسيالارى» جاۋاپكەرشىلىگى شەكتەۋلى سەرىكتەستىگى «سامۇرىق-قازىنا» قورىنان اتوم ەنەرگەتيكاسى جونىندەگى اگەنتتىككە ءوتتى.
- «قازاقستاندىق اتوم ەلەكتر ستانسيالارى» جاۋاپكەرشىلىگى شەكتەۋلى سەرىكتەستىگى ق ر پرەزيدەنتىنىڭ 2025-جىلعى 28-ساۋىردەگى 861-جارلىعى بويىنشا اتوم ەنەرگەتيكاسى جونىندەگى اگەنتتىككە باعىنىستى ۇيىمدار قاتارىنا ەنگىزىلدى، - دەپ جازادى ۆەدومستۆونىڭ باسپا ءسوز قىزمەتى.
دەگەنمەن «ق ا ە س» ج ش س- ءنىڭ جارعىلىق كاپيتالىنداعى 100 پايىز ۇلەسى فورمالدى تۇردە «سامۇرىق-قازىنا» اكسيونەرلىك قوعامىنىڭ مەنشىگىندە قالىپ وتىر. ا ە س سالۋ جوباسىن جەدەلدەتۋ ءۇشىن «سامۇرىق» پەن اگەنتتىك اراسىندا سەنىمگەرلىك باسقارۋ شارتى جاسالعان.
- وسى شارت بويىنشا اگەنتتىككە «ق ا ە س» ج ش س- ءنىڭ ۇلەسىن باسقارۋ قۇقىعى بەرىلدى. ونىڭ ىشىندە ستراتەگيالىق جانە وپەراتسيالىق سيپاتتاعى شەشىمدەر قابىلداۋ وكىلەتتىكتەرى دە بار. سونىمەن قاتار، «ق ا ە س» ج ش س ۇلەسىن رەسپۋبليكالىق مەنشىككە بەرىپ، اگەنتتىككە بەكىتۋ بويىنشا دايىندىق جۇمىستارى جۇرگىزىلىپ جاتىر، - دەپ جازىلعان رەسمي مالىمەتتە.
ايتا كەتەيىك، اتالعان اگەنتتىكتى اەس جونىندەگى رەفەرەندۋم كەزىندە ەنەرگەتيكا ءمينيسترى بولعان الماسادام ساتقاليەۆ باسقارادى.