قازاقستاندىق اكتەر جەكي چاننىڭ جاڭا فيلمىندە وينايدى

استانا. KAZINFORM - قازاقستاندىق اكتەر رۇستەم وماروۆ جەكي چاننىڭ حالىقارالىق جوباسى «قۇدىرەتتى ساۋىت: ۋلتيماتۋم» اتتى جاڭا فيلمىنىڭ تۇسىرىلىمىنە قاتىسادى.

Salem Entertainment كومپانياسىنىڭ اقپاراتى بويىنشا، رۇستەم وماروۆ بۇل جوبادا سەناريست ءارى اكتەر بولادى.

- بالا كەزىمنىڭ كۋميرى جەكي چانمەن بىرگە تۇسەتىنىمە وتە قۋانىشتىمىن، - دەپ جازدى رۇستەم وماروۆ.

بۇعان دەيىن قازان ايىنىڭ باسىندا ايگىلى «قۇدىرەتتى ساۋىت» فرانشيزاسىنىڭ ءتورتىنشى ءبولىمى قازاقستاندا تۇسىرىلەتىنى حابارلانعان ەدى.

بۇل فرانشيزا - 1986 -جىلى جەكي چاننىڭ ءوزى ءتۇسىرىپ، باستى رولدە ويناعان كۋلتتىك گونكونگتىك شىتىرمان وقيعالى بويەۆيك. كەيىن ونىڭ جالعاسى - «قۇدىرەتتى ساۋىت 2: كوندور وپەراتسياسى» (1991) جانە «قۇدىرەتتى ساۋىت 3: زودياك ميسسياسى» (2012) فيلمدەرى جارىق كوردى.

سونداي-اق بۇعان دەيىن جاڭا حالىقارالىق جوبانىڭ رەجيسسەرى قازاقستاندىق روبەرت كۋن بولاتىنى حابارلانعان.

ەكسكليۋزيۆتى سۇحباتىندا روبەرت كۋن جەكي چاننىڭ كينو الەمىندەگى وزىنە شابىت بەرۋشى تۇلعا بولعانىن اتاپ ءوتتى.