ەلوردادا ءوتىپ جاتقان العاشقى مەديتسينالىق-سانيتاريالىق كومەك جونىندەگى حالىقارالىق كونفەرەنسيادا ءسوز العان دۇنيەجۇزلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس قازاقستاندى ءوز ەلى سانايتىنىن ايتتى، دەپ حابارلايدى Kazinform.
«قۇرمەتتى قۇدا، قۇرمەتتى پرەزيدەنت قاسىم-جومارت توقايەۆ! مەن ءۇشىن قازاقستانعا ورالۋ زور مارتەبە. قازاقستاندى ءوزىمنىڭ ەلىم دەپ سانايمىن»، - دەدى تەدروس گەبرەيەسۋس ءسوز باسىندا.
كەيىن ول العاشقى مەديتسينالىق-سانيتاريالىق كومەك باعىتىنداعى ىلكىمدى ىستەرى ءۇشىن پرەزيدەنت پەن دەنساۋلىق ساقتاۋ ءمينيسترى اجار عينياتقا العىس ءبىلدىردى.
«تاۋەلسىزدىك العاننان بەرى قازاقستان العاشقى مەديتسينالىق-سانيتاريالىق كومەكتى دۇرىس دامىتا وتىرىپ، حالىقتىڭ ءال-اۋقاتىن كوتەردى»، - دەپ توقتالدى تەدروس گەبرەيەسۋس.
ەسكە سالا كەتەيىك، دۇنيەجۇزلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس اقىن ءجۇرسىن ەرماننىڭ قۇداسى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан