قازاقستانداعى ۇزدىك بەستىككە كىرەتىن 5 كۋرورت

استانا. KAZINFORM - ۇلتتىق ستاتيستيكا بيۋروسى قازاقستاننىڭ ەڭ تانىمال 5 كۋرورتىن اتادى. بىلتىرعى جىلمەن سالىستىرعاندا دەمالۋشىلاردىڭ سانى ارتۋىنا بايلانىستى ۇزدىك دەمالىس ايماقتار انىقتالعان.

«2024 -جىلدىڭ قاڭتار- ناۋرىز ايلارى ارالىعىندا 766,6 مىڭ ادامعا وتاندىق كۋرورتتىق ايماقتار قىزمەت كورسەتكەن. بۇل 2023 -جىلدىڭ سايكەس كەزەڭىمەن سالىستىرعاندا 63,1 مىڭ ادامعا ارتىق»، - دەلىنگەن حابارلامادا.

2024 -جىلعى قاڭتار- ناۋرىز دەرەكتەرى بويىنشا ەڭ تانىمال كۋرورتتىق ايماق رەتىندە 551,9 مىڭ ادام دەمالعان الماتى تاۋ كلاستەرى اتالىپ وتىر.

ەكىنشى ورىن شۋچە- بۋراباي كۋرورتتىق ايماعىنا تيەسىلى. بۇل ايماقتا 69,1 مىڭ ادام ورنالاسقان.

ءۇشىنشى كەزەڭدە ماڭعىستاۋ كۋرورتتىق ايماعىنا 57,5 مىڭ ادام بارعان.

ۇزدىك بەستىككە سونىمەن قاتار ەكى تانىمال كۋرورتتىق ايماق - تۇركىستان تۋريستىك ايماعى (26,1 مىڭ ادام) جانە التاي كۋرورتتىق ايماعى (20,7 مىڭ ادام) ەنىپ وتىر.

ءمالىم بولعانداي، 2024 -جىلدىڭ قاڭتار-ناۋرىز ايلارىندا كۋرورتتىق ايماقتار دەمالۋشىلاردىڭ سانى مەن كورسەتىلگەن قىزمەت ساپاسىنا قاراي 27,8 ميلليارد تەڭگە تابىس تاپقان.

ال، 2023 -جىلى اتالعان دەمالىس ورىندارى 23,2 ميلليارد تەڭگە تابىسقا شىققان بولسا، بيىل بۇل كورسەتكىش ,8 - عا ارتىپ وتىر.

اۆتور

باقىتگۇل اباي قىزى