قازاقستانداعى ونلاين ساۋدانىڭ 90 پايىزى الماتىدا جاسالادى

الماتى. KAZINFORM - الماتىدا ەلەكتروندىق ساۋدانىڭ قازىرگى جاي-كۇيى مەن ونىڭ دامىتۋ باعىتتارى تالقىلاندى.

الماتىنىڭ كاسىپكەرلىك جانە ينۆەستيتسيالار باسقارماسىنىڭ مالىمەتىنشە، 2024 -جىلدىڭ قورىتىندىسى بويىنشا قالاداعى ەلەكتروندىق ساۋدا كولەمى 5,3 تريلليون تەڭگە بولعان. بۇل كورسەتكىش وتكەن جىلمەن سالىستىرعاندا B جوعارى. ونىڭ ىشىندە 3 تريلليون تەڭگە - تاۋارلاردىڭ بولشەك ساۋداسىنا، 2,3 تريلليون تەڭگە - ونلاين قىزمەت كورسەتۋگە تيەسىلى.

- الماتىنىڭ رەسپۋبليكا بويىنشا ونلاين ساۋداداعى ۇلەسى �- دان اسىپ وتىر. قالادا 1500-دەن استام بەلسەندى ەلەكتروندىق كوممەرتسيا سۋبەكتىسى جۇمىس ىستەيدى. بۇل - ەل اۋماعىندا تىركەلگەندەردىڭ شامامەن جارتىسى. نەگىزگى باعىتتارعا كۇندەلىكتى تۇتىناتىن تاۋارلار، تەحنيكا، كيىم-كەشەك، كوسمەتيكا، سونداي-اق جەتكىزۋ، كولىك جانە برونداۋ سالالارىنداعى قىزمەتتەر جاتادى. الماتى بازارلارىندا 10 مىڭنان استام ساتۋشى ءداستۇرلى ساۋدا ءتاسىلىن ونلاين فورماتپەن ءساتتى ۇشتاستىرىپ وتىر، - دەپ حابارلادى اكىمدىكتەن.

الماتى اكىمدىگىنىڭ جوسپارىنا سايكەس، 2025 -جىلدىڭ سوڭىنا قاراي مەگاپوليستەگى ەلەكتروندىق بولشەك ساۋدا كولەمى 3,5 تريلليون تەڭگەگە جەتسە، 2030 -جىلعا قاراي ساۋدا اينالىمىنداعى ەلەكتروندىق ساۋدانىڭ ۇلەسى P- دان كەم بولمايدى.

ەسكە سالايىق، بۇعان دەيىن قازاقستاندا ونلاين ساۋدا ەكى ەسە وسكەنىن جازعانبىز.

اۆتور

دوسبول اتاجان