استانا. KAZINFORM - دۇنيەجۇزىلىك مەتەورولوگيالىق ۇيىم بۇعان دەيىن 2024 -جىلى اۋا رايى ادەتتەگىدەن بولەك بولادى دەپ بولجاعان بولاتىن. كليماتولوگتار ورتالىق ازيادا وتە ىلعالدى كوكتەم، جاۋىن-شاشىن كوپ بولاتىنىن ايتتى. ماماندار قازاقستانداعى اۋا رايىن ەل-نينو قۇبىلىسىمەن بايلانىستىرادى. بۇل تۋرالى قازاقپارات تىلشىسىنە گەوگرافيا عىلىمدارىنىڭ كانديداتى، ورتالىق ازيا كليماتتىق اقپاراتتىق پلاتفورماسىنىڭ (CACIP) ۇيلەستىرۋشىسى ازامات قاۋازوۆ ايتتى.
قازىردىڭ وزىندە ازامات قاۋازوۆتىڭ ايتۋىنشا، ەل-نينو قۇبىلىسى تىنىق مۇحيتىنىڭ باتىس بولىگىندە بايقالادى.
- ەل- نينو مۇحيت پەن قۇرلىق اراسىنداعى جىلۋ الماسۋدىڭ وزگەرۋىنە اكەلەدى. ءبىزدىڭ پلانەتا - جابىق جۇيە. اتاپ ايتقاندا، قارمەن بايلانىستىرىپ ايتساق، تەمپەراتۋرانىڭ وزگەرۋى قىسىمنىڭ وزگەرۋىنە اكەلەدى، قىسىمنىڭ وزگەرۋى اۋا اعىندارىن تۋدىرادى. ياعني، جەل مەن اتموسفەرالىق سيركۋلياتسيانىڭ سەبەبى وسىدان تۋىندايدى. ال قار جاۋعان كەزدە قازاقستان اۋماعىندا سالقىن اۋانىڭ پوليارلىق شابۋىلى ىلەسپە اسەرلەرىمەن بولعان جاعدايلار بولدى. ياعني، بۇل - ءارى سۋىق، ءارى قار جاۋادى دەگەن ءسوز، - دەپ ءتۇسىندىردى مامان.
ماماننىڭ ايتۋىنشا، ادەتتە ىلعالدى اۋا رايى بىزگە سولتۇستىك اتلانتيكادان كەلەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан