قازاقستانداعى جالاقىسى تومەن 10 مامان
استانا. قازاقپارات - 2024 -جىلدىڭ 1-توقسان قورىتىندىسى بويىنشا قازاقستانداعى ەڭ تومەن جالاقى تولەنەتىن قىزمەت تۇرلەرى انىقتالدى. ۇلتتىق ستاتيستيكا بيۋروسىنىڭ رەسمي بەرگەن جاۋابىنا سايكەس تومەندەگى ماماندىقتاردىڭ جالاقىسى تومەن كورىنەدى.
ورتاشا ەسەپپەن ەڭ تومەنگى جالاقىنى بالىق اۋلاۋ جانە بالىق ءوسىرۋ قىزمەتىن ۇسىناتىن ماماندار الادى ەكەن. ءبىر قىزمەتكەردىڭ ورتاشا ايلىق جالاقىسى 134621 تەڭگە. سالىستىرمالى تۇردە قازاقستانداعى ورتاشا ايلىق جالاقى 382279 تەڭگەنى قۇراسا، ەڭ جوعارعى ورتاشا جالاقى 1317158 تەڭگەگە جەتكەن.
ءتىزىمدى جىلجىمايتىن مۇلىكپەن وپەراتسيالار قىزمەتىن ۇسىناتىن ماماندار جالعايدى. ولاردىڭ اي سايىنعى ورتاشا ايلىعى 184636 تەڭگە. 2023 -جىلدىڭ قورىتىندىسى بويىنشا بۇل ماماندار اي سايىن 212205 تەڭگە العان ەكەن.
ورتاشا ايلىعى ەڭ تومەن قىزمەتكەرلەر تىزىمىندە 3-ىنشى جانە سوڭعى ورنىندى مۇعالىمدەر الىپ تۇر. ناقتىراق، ورتاشا ايىنا 186475 تەڭگەنى مەكتەپكە دەيىنگى ءبىلىم بەرۋ قىزمەتكەرلەرى جانە 242813 تەڭگەنى 1-دەڭگەيلى باستاۋىش ءبىلىم بەرۋ ماماندارى الادى ەكەن. قىزمەكەرلەر وتكەن جىلعى دەرەك بويىنشا بۇعان دەيىن ورتاشا 162901 تەڭگە جانە 226500 تەڭگە الىپتى.
قاۋىپسىزدىكتى قامتاماسىز ەتۋ جانە تەرگەۋ جۇرگىزۋ بويىنشا قىزمەتكەرلەر 4-ورىندى يەلەنىپ وتىر. 190317 تەڭگە الاتىن سالا ماماندارى بۇعان دەيىن 185205 تەڭگەنى قاناعات تۇتاقان.
5-ىنشى جانە 6-ورىنداردى وسىمدىك جانە مال شارۋاشىلىعى، اڭشىلىقتا كورسەتىلەتىن قىزمەتتەردى ۇسىناتىن ماماندار 211761 تەڭگە ( 2023 -جىلى 223362 تەڭگە) مەن ۆەتەريناريالىق قىزمەتكەرلەر 214335 تەڭگەمەن ( 2023 -جىلى 228234 تەڭگە) ءبولىسىپ وتىر.
7-ورىندا الەۋمەتتىك كورسەتىلەتىن قىزمەتتەردى ۇسىناتىن ماماندار 228050 تەڭگە (2023 جىلى 220129 تەڭگە) جالاقىسىمەن، 8-ورىندا دەنساۋلىق ساقتاۋ سالاسىنداعى وزگە دە قىزمەتتەردى ۇسىناتىن قىزمەتكەرلەر 229664 تەڭگەمەن (2023 جىلى 279097 تەڭگە)، 9-ورىندى جالپىعا قىزمەت كورسەتۋ شەگىندەگى پوشتا ماماندارى 233086 تەڭگە (2023 جىلى 219962 تەڭگە) الىپ وتىر.