قازاقستانداعى جاڭا كوميتەت نەمەن اينالىسادى؟

قازاقستاندا تۋريزم جانە سپورت مينيسترلىگىنىڭ ويىن بيزنەسى جانە لوتەرەيانى رەتتەۋ كوميتەتى قۇرىلدى، - دەپ حابارلايدى Massaget.kz ءتىلشىسى.

مينيسترلىك مالىمەتىنشە، جاڭا كوميتەت ويىن بيزنەسى، لوتەرەيالار جانە لوتەرەيا قىزمەتى سالالارىن باسقارادى.

كوميتەتتىڭ ماقساتى:

1. ويىن بيزنەسى، لوتەرەيالار جانە لوتەرەيا قىزمەتى سالاسىنداعى مەملەكەتتىك ساياساتتى قالىپتاستىرۋ جانە ىسكە اسىرۋ؛

2. ويىن بيزنەسى، لوتەرەيالار جانە لوتەرەيا قىزمەتى سالاسىنداعى باسشىلىقتى، سالاارالىق ۇيلەستىرۋدى جانە مەملەكەتتىك رەتتەۋدى جۇزەگە اسىرۋ؛

3. قۇزىرەتى شەگىندەگى كوميتەتكە جۇكتەلگەن وزگە دە مىندەتتەر.

كوميتەتتىڭ مىندەتتەرى:

1. قازاقستان رەسپۋبليكاسىنىڭ زاڭناماسىن، جەكە جانە زاڭدى تۇلعالاردىڭ قۇقىقتارى مەن زاڭمەن قورعالاتىن مۇددەلەرىن ساقتاۋ؛

2. جەكە جانە زاڭدى تۇلعالاردىڭ وتىنىشتەرىن قازاقستان رەسپۋبليكاسىنىڭ اكىمشىلىك راسىمدىك- پروتسەستىك كودەكسىندە بەلگىلەنگەن تارتىپپەن جانە مەرزىمدەردە قابىلداۋ جانە قاراۋ؛

3. كوميتەتكە جۇكتەلگەن مىندەتتەر مەن فۋنكتسيالاردىڭ ىسكە اسىرىلۋىن قامتاماسىز ەتۋ؛

4. ءوز قۇزىرەتى شەگىندە ورىنداۋ ءۇشىن مىندەتتى نورماتيۆتىك-قۇقىقتىق اكتىلەردى قابىلداۋ؛

5. كوميتەتكە بولىنگەن بيۋدجەت قاراجاتىنىڭ تولىق، ۋاقىتىلى جانە ءتيىمدى پايدالانىلۋىن قامتاماسىز ەتۋ؛

6. قازاقستان رەسپۋبليكاسىنىڭ زاڭناماسىنا، قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىنە سايكەس وزگە دە مىندەتتەردى جۇزەگە اسىرۋ.

كوميتەتتىڭ فۋنكتسيالارى:

1. ويىن بيزنەسى، لوتەرەيا جانە لوتەرەيا قىزمەتى سالالارىندا مەملەكەتتىك ساياساتتى قالىپتاستىرۋدى جانە ىسكە اسىرۋدى قامتاماسىز ەتەدى؛

2. كوميتەت رەتتەيتىن سالالاردا نورماتيۆتىك- قۇقىقتىق جانە قۇقىقتىق اكتىلەردى، سونداي-اق كەلىسىمدەردى، مەموراندۋمدار مەن شارتتاردى ازىرلەيدى؛

3. كوميتەت رەتتەيتىن سالالاردا قازاقستان رەسپۋبليكاسىنىڭ زاڭناماسىن قولدانۋ پراكتيكاسىن جالپىلاۋ جانە ولاردى جەتىلدىرۋ جونىندە ۇسىنىستار ەنگىزەدى؛

4. ويىن بيزنەسىن ۇيىمداستىرۋشىنىڭ «ويىن بيزنەسى تۋرالى» قازاقستان رەسپۋبليكاسى زاڭىنىڭ 13-بابىندا بەلگىلەنگەن بىلىكتىلىك تالاپتارىنا سايكەستىگىن راستايتىن قۇجاتتاردىڭ تىزبەسى مەن نىسانىن ازىرلەيدى؛

5. ويىن بيزنەسىن ۇيىمداستىرۋشىنىڭ ەسەپتىلىكتى ۇسىنۋ نىسانىن، ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋدى جانە تالداۋدى جۇزەگە اسىرۋ قاعيدالارىن ازىرلەيدى؛

6. كاسىپكەرلىك جونىندەگى ۋاكىلەتتى ورگانمەن بىرلەسىپ تاۋەكەل دارەجەسىن باعالاۋ ولشەمشارتتارىن، تەكسەرۋ پاراقتارىن ازىرلەيدى؛

7. مەملەكەتتىك قىزمەتتەر كورسەتۋ ءتارتىبىن ايقىندايتىن زاڭعا تاۋەلدى نورماتيۆتىك- قۇقىقتىق اكتىلەردى ازىرلەيدى؛

8. لوتەرەيا وپەراتورىن ايقىنداۋ قاعيدالارىن ازىرلەيدى؛

9. لوتەرەيالاردى وتكىزۋ قاعيدالارىن ازىرلەيدى؛

10. قازاقستان رەسپۋبليكاسىندا ويىن بيزنەسى سالاسىنداعى قىزمەتپەن اينالىسۋ قۇقىعىنا ليتسەنزياسى جوق ينتەرنەت- كازينو، شەتەلدىك بۋكمەكەرلىك كەڭسەلەر جانە (نەمەسە) توتاليزاتورلار بەلگىلەرىنىڭ بولۋى تۇرعىسىنان ينتەرنەت-رەسۋرستاردىڭ مازمۇنىن جۇيەلى تۇردە جيناۋدى جانە تالداۋدى جۇزەگە اسىرۋ قاعيدالارىن ازىرلەيدى؛

جالپى كوميتەت 40-قا جۋىق فۋنكتسيا اتقارادى. ول اشىق ن ق ا پورتالىندا جاريالانعان.