قازاقستانداعى التىن باعاسى تومەندەدى: سوڭعى باعام قانداي

استانا. KAZINFORM - قازاقستاندا التىننىڭ گراممى 54862 تەڭگە بولدى، دەپ حابارلادى Kazinform اگەنتتىگىنىڭ ءتىلشىسى.

قازاقستان ۇلتتىق بانكىنىڭ مالىمەتىنشە، 10-شىلدەدە التىننىڭ ءبىر گراممى 54862,01 تەڭگە بولادى.

وتكەن بەيسەنبىدە، 3-شىلدەدە، وسى قىمبات مەتالدىڭ باعاسى شامامەن 55639 تەڭگە بولعان.

بۇعان دەيىن حابارلانعانداي، 2025 -جىلدىڭ ى توقسانىندا قازاقستاندا مىس، نيكەل، كومىر، التىن جانە سيرەك جەر مەتالدارىنىڭ بولاشاعى زور 38 ۋچاسكە انىقتالعان.

ەسكە سالايىق، قازاقستان التىن قورى بويىنشا الەمنىڭ توپ-20 ەلى قاتارىنا كىردى. سوڭعى 10 جىلدا ەلدە التىن قۇرامداس كەندى ءوندىرۋ كولەمى 2,2 ەسە ارتقان.

دۇنيەجۇزىلىك التىن كەڭەسىنىڭ (World Gold Council) مالىمەتىنشە، 2025 -جىلدىڭ العاشقى توقسانىندا التىنعا جالپى سۇرانىس جىلدىق ەسەپتە %1 عا ءوسىپ، 1206 توننانى قۇرادى - بۇل 2016 -جىلدان بەرگى ءبىرىنشى توقسان ءۇشىن ەڭ جوعارى كورسەتكىش.

ورتالىق بانكتەر 2025 -جىلدىڭ ءبىرىنشى توقسانىندا 244 توننا التىن ساتىپ العان - بۇل الدىڭعى توقسانمەن سالىستىرعاندا از.

سونىمەن قاتار، رەكوردتىق باعا اياسىندا التىن اشەكەيلەرىنە دەگەن سۇرانىس كۇرت تومەندەگەن: كولەم جاعىنان 2020 -جىلدان بەرگى ەڭ تومەنگى دەڭگەيگە تۇسكەن.

دەگەنمەن، اقشاعا شاققاندا التىننان جاسالعان اشەكەيلەرگە تۇتىنۋشىلىق شىعىن جىلدىق ەسەپتە %9 عا ءوسىپ، $35 ميللياردقا جەتتى.

قازاقستاندا ۇلتتىق ستاتيستيكا بيۋروسىنىڭ دەرەگىنە سايكەس، 2024 -جىلى التىن بۇيىمدارىنىڭ باعاسى %8,3 عا قىمباتتاعان.