قازاقستاندا تەمەكى تارتاتىن ەرلەر - 34 پايىز، ايەلدەر - 5 پايىز

استانا. قازاقپارات - 2025-جىلى قازاقستاندا تەمەكى شەگەتىن ەرەسەكتەردىڭ ۇلەسى 17,5 پايىزدى قۇراپ، ءبىر جىل بۇرىنعى كورسەتكىشپەن سالىستىرعاندا تومەندەگەنى بايقالدى. بۇل تۋرالى ۇلتتىق ستاتيستيكا بيۋروسى حابارلادى.

بيۋرونىڭ مالىمەتىنشە، بيىلعى قاڭتاردا ەلىمىزدە تەمەكى تۇتىنۋ بويىنشا كەزەكتى جىل سايىنعى زەرتتەۋ جۇرگىزىلدى. ساۋالناما رەسپۋبليكانىڭ بارلىق ءوڭىرى مەن ءۇش ءىرى قالاسى - استانا، الماتى جانە شىمكەنتتە وتكىزىلىپ، وعان 15 جاستان اسقان 12000 ءۇي شارۋاشىلىعىنىڭ ءبىر مۇشەسى قاتىستى.

ناتيجەلەر:

حالىقتىڭ 17,5 پايىزى تەمەكى شەگەدى (2024-جىلى - 20,7 پايىز)؛

اۋىلدىق جەرلەردە - 19,1 پايىز، قالالاردا - 16,7 پايىز؛

تەمەكى تارتۋشىلاردىڭ 93,8 پايىزى ونەركاسىپتىك دايىن ءونىمدى پايدالانادى؛

ەر ادامدار اراسىندا تەمەكى شەگۋ كورسەتكىشى - 34 پايىز، ايەلدەر اراسىندا - 5 پايىز.

ۇلتتىق ستاتيستيكا بيۋروسى بۇل زەرتتەۋدى ق ر دەنساۋلىق ساقتاۋ مينيسترلىگىنىڭ ۇسىنىسى بويىنشا دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) GATS حالىقارالىق ادىستەمەسى نەگىزىندە 2020-جىلدان بەرى تۇراقتى تۇردە جۇرگىزىپ كەلەدى.

- بۇل دەرەكتەر تەمەكىگە قارسى مەملەكەتتىك ساياسات پەن الدىن الۋ شارالارىنىڭ بەلگىلى ءبىر ناتيجەلەر بەرە باستاعانىن كورسەتەدى، - دەلىنگەن اقپاراتتا.

ايتا كەتەيىك، قازاقستاندا تەمەكى باعاسى وزگەردى.