قازاقستاندا سوڭعى 18 جىلداعى كۇتپەگەن رەكورد جاڭاردى

استانا. قازاقپارات - ماۋسىم قازاقستاندا سوڭعى 18 جىلداعى ەڭ ىستىق اي بولدى.

«قازگيدرومەت» ر م ك مالىمەتىنشە، جاۋىن-شاشىننىڭ شامادان تىس ءتۇسۋى ەلدىڭ سولتۇستىك جارتىسىندا تىركەلسە، وڭتۇستىك بولىگىندە قۇرعاقشىلىق بايقالعان.

سينوپتيكتەردىڭ سوزىنشە، ايدىڭ كوپ بولىگىندە ەلگە قارا جانە جەرورتا تەڭىزدەرىنەن جىلى اۋا ماسسالارى كىرگەن.

كوپتەگەن وڭىردە ءورت قاۋپى جوعارى بولدى. ايدىڭ ورتاسى مەن اياعىندا رەكوردتىق جوعارى اۋا تەمپەراتۋراسى بايقالدى. مىسالى، كۇندىز ەلىمىزدىڭ باتىسى مەن وڭتۇستىگىندە تەرمومەتر 35+43+، سولتۇستىك جانە ورتالىق وبلىستاردا 30+40+ گرادۋسقا دەيىن كوتەرىلدى.

9-ماۋسىمدا قىزىلوردادا تەرمومەتر كورسەتكىشى 40,5+ گرادۋسقا جەتىپ، 2016-جىلعى رەكوردتى 40,1+ گرادۋسقا جاڭارتتى. 17-ماۋسىمدا اقتوبەدە 2006-جىلعى رەكوردتان اسىپ، 39,2 گرادۋسقا، الدىڭعىسى 38,5+ گرادۋس بولدى. اتىراۋدا 18-ماۋسىمدا اۋا تەمپەراتۋراسى 41,5° گرادۋسقا دەيىن كوتەرىلىپ، 2010-جىلعى رەكوردتى 41+ گرادۋسقا جاڭارتتى.