قازاقستاندا سۋديالاردى ىرىكتەۋ جۇيەسى تۇبەگەيلى وزگەردى

استانا. KAZINFORM - ەندى ەلىمىزدە سۋديالار جاڭا تارتىپپەن ىرىكتەلەدى. تولىعىراق جوعارعى سوت كەڭەسىنىڭ مۇشەسى سالتانات جۇنىسبەكوۆا ايتىپ بەردى.

نەوزگەردى؟

- ەمتيحان (تەست، ەسسە، كەيستىك تاپسىرمالار) جىلىنا 12 رەت تاپسىرىلادى، بۇل بۇرىنعىدان ءۇش ەسە ءجيى؛

- پسيحولوگيالىق تەستىلەۋ جىلىنا 3 رەت ەمەس، 10 رەت وتكىزىلەدى؛

- كۆاليفيكاتسيالىق كوميسسيانىڭ ۇمىتكەرلەرمەن اڭگىمەلەسۋ وتىرىستارى ايىنا 4 رەت وتەدى، ال بۇرىن ءار ەكى ايدا 1 رەت بولاتىن؛

- وسىلايشا، ەمتيحان تاپسىرۋ ۇدەرىسى 1,5 جىلدان 3 ايعا قىسقاردى.

الايدا، بولاشاق سۋديالارعا قويىلاتىن تالاپتار دا كۇشەيتىلدى.

- قۇقىق قورعاۋ جانە ارنايى ورگانداردىڭ دەرەكقورى بويىنشا قوسىمشا تەكسەرۋ ەنگىزىلدى. بۇل ۇمىتكەردىڭ قىلمىستىق جولمەن الىنعان كىرىسىنىڭ بار-جوعىن، راديكالدى توپتارعا قاتىسىنىڭ بار-جوعى، ەسىرتكى ساتۋ، تۇتىنۋعا قاتىسىنىڭ بار-جوعى، زاڭسىز قۇمار ويىندارعا، سيفرلىق اكتيۆتەردىڭ كولەڭكەلى اينالىمىنا جانە باسقا دا قاۋىپتەرگە قاتىسىنىڭ بار-جوعىن انىقتاۋعا مۇمكىندىك بەرەدى، - دەدى سالتانات جۇنىسبەكوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، بۇرىن ۇمىتكەرلەردىڭ شامامەن P ەمتيحاندى ءساتتى تاپسىرسا، قازىر بۇل كورسەتكىش عا دەيىن ازايدى.

- بۇل ىرىكتەۋ دەڭگەيىنىڭ تومەندەگەنىن ەمەس، ساپانىڭ ارتقانىن بىلدىرەدى. تەك مورالدىق جانە كاسىبي تۇرعىدان شىندالعان ماماندار عانا وتە الادى، - دەيدى ول.

سالىستىرمالى تۇردە ايتساق، بيىل 6 ايدا كۆاليفيكاتسيالىق كوميسسيا 18 وتىرىس ءوتىپ، ناتيجەسىندە 125 ادام بارلىق كەزەڭنەن ءوتتى. ال وتكەن جىلى 73 ۇمىتكەر عانا ەمتيحاندى ءساتتى تاپسىرعان.

بۇعان دەيىن حابارلاعانىمىزداي، بۇگىن قازاقستاندا كاسساتسيالىق سوتتار جۇمىسىن باستادى.