قازاقستاندا ەرلەردىڭ كوبى قاي سالادا جۇمىس ىستەيدى؟

الماتى. KAZINFORM - قازاقستاندا ەر ازاماتتاردىڭ باسىم بولىگى قاي سالادا جۇمىس ىستەيتىنى بەلگىلى بولدى، - دەپ حابارلايدى ۇلتتىق ستاتيستيكا بيۋروسى.

2023-جىلدىڭ قورىتىندىسى بويىنشا، جۇمىسپەن قامتىلعان ەرلەر سانى - 4711,7 مىڭ. ونىڭ ىشىندە قالالىق جەردە ەڭبەكپەن قامتىلعاندار - 2831,4 مىڭ، اۋىلدىق جەردە - 1880,3 مىڭ ادام.

ەرلەردىڭ ەڭ كوبى ونەركاسىپ سەكتورىندا جۇمىس ىستەيدى، ولاردىڭ ونداعى سانى 777,5 مىڭ ادام. ودان كەيىنگى ورىندا 653,2 مىڭ ادام جۇمىس ىستەيتىن كوتەرمە جانە بولشەك ساۋدا سالاسى. 637,1 مىڭ ەر ازاماتتى جۇمىسپەن قامتىعان اۋىل شارۋاشىلىعى سالاسى ءۇشىنشى ورىندا.

قۇرىلىس 520 مىڭ ەر ازامات ءۇشىن تارتىمدى سالاعا اينالدى، ال كولىك پەن قويمادا ەرلەر 513,1 مىڭ جۇمىس ورنىن الىپ وتىر.

مەملەكەتتىك باسقارۋ جانە قورعانىس ىستەرى 335,1 مىڭ ەر ازاماتتى جۇمىسپەن قامتاماسىز ەتىپ وتىر.

باسقا سالالارداعى ەرلەر سانى:

ءبىلىم بەرۋ - 310,9 مىڭ ادام

دەنساۋلىق ساقتاۋ - 160,8 مىڭ ادام

اكىمشىلىك جانە قوسالقى قىزمەتتەر - 159 مىڭ ادام

كاسىپتىك، عىلىمي جانە تەحنيكالىق قىزمەت - 126,4 مىڭ ادام

اقپارات جانە بايلانىس - 109,2 مىڭ ادام

قارجى جانە ساقتاندىرۋ - 84 مىڭ ادام

تۇرۋ جانە تاماقتانۋ - 72,3 مىڭ ادام

جىلجىمايتىن مۇلىك - 68,7 مىڭ ادام

ونەر جانە ويىن- ساۋىق - 59,4 مىڭ ادام

باسقا دا قىزمەتتەردە ىستەيتىندەر سانى - 124,3 مىڭ ادام