قازاقستاندا قىركۇيەكتە اۋا رايى قانداي بولادى

اي باسىندا قىسقا مەرزىمدى سۋىق بولادى

سينوپتيكتەردىڭ مالىمەتىنشە، قىركۇيەك كۇزدىڭ العاشقى سالقىنىمەن باستالادى. اسىرەسە سولتۇستىك، شىعىس جانە ورتالىق وڭىرلەردە:

تۇندە 3 …8 گرادۋسقا دەيىن تومەندەيدى،

توپىراق بەتىندە - 2 - گرادۋس دەيىن العاشقى ۇسىك بايقالادى،
كۇندىز 12 …28 گرادۋس ارالىعىندا جىلىنادى.
ال باتىس پەن وڭتۇستىك- باتىستا قىركۇيەكتىڭ باسىندا ءالى دە اپتاپ ىستىق ساقتالادى: اۋا تەمپەراتۋراسى 32 …40 گرادۋسقا دەيىن جەتۋى مۇمكىن.

ءبىرىنشى ونكۇندىكتە قانداي اۋا رايى كۇتىلەدى؟
كوپتەگەن وڭىردە جاڭبىر، نايزاعاي، بۇرشاق كۇتىلەدى.
كەيبىر ايماقتاردا قاتتى جەل سوعادى.
تاۋلى جەرلەردە جاۋىن- شاشىن ارالاس قار ءتۇسۋ ىقتيمالدىعى بار.
اي ورتاسى مەن سوڭى
قىركۇيەكتىڭ ەكىنشى جانە ءۇشىنشى ونكۇندىگىندە اۋا رايى قۇبىلمالى بولادى:

باتىستا: تۇندە 13 …19 گرادۋس، اي سوڭىندا 2 …12 گرادۋسقا دەيىن تومەندەيدى، توپىراقتا - 3 گرادۋسقا دەيىن ۇسىك بولادى.

سولتۇستىك، ورتالىق جانە شىعىستا: تۇندە 1 …6 گرادۋس، اي سوڭىندا 1- 6 گرادۋس ۇسىك كۇتىلەدى. كۇندىز 8 …28 گرادۋس ارالىعىندا.

وڭتۇستىكتە: كەي كۇندەرى 30 گرادۋستان جوعارى ىستىق ساقتالسا دا، ەڭ سۋىق تۇندەرى - 3 - گرادۋس ۇسىك بولۋى مۇمكىن. كۇندىزگى تەمپەراتۋرا 11 …20 گرادۋس شاماسىندا.

سينوپتيكتەر نە دەيدى؟
«قىركۇيەك ايى قازاقستانعا ءارتۇرلى اۋا رايىن الىپ كەلەدى: العاشقى ۇسىكتەر مەن سالقىن كۇندەردەن باستاپ جازعى ىستىققا دەيىن. سوندىقتان تۇرعىندار كيىمىن اۋا رايىنا ساي ۇيلەستىرىپ، الىس ساپارعا شىققاندا بولجامداردى الدىن الا تەكسەرىپ وتىرۋى قاجەت»، - دەيدى «قازگيدرومەت» ماماندارى.