قازاقستاندا قايىرىمدىلىق ماقساتىندا اقشا جيناۋعا تىيىم سالىنا ما - مينيستر جاۋابى
استانا. KAZINFORM - مادەنيەت جانە اقپارات ءمينيسترى ايدا بالايەۆا قايىرىمدىلىق ماقساتىندا اقشا جيناۋدى رەتتەۋ ماسەلەسىنە قاتىستى پىكىر ايتتى.
«جۇمىس توبى قۇرىلدى، ماسەلە تالقىلانىپ جاتىر. ناقتى شەشىمدەر ءالى جوق، ويتكەنى بارلىق ۇسىنىستى جيناپ، ساراپشىلاردىڭ پىكىرىن زەرتتەيمىز. مۇنداي باستامالار جاي عانا قابىلدانبايتىنىن ءتۇسىنۋ كەرەك. الىپساتارلىق، الاياقتىق فاكتىلەر بار. وسىعان وراي قايىرىمدىلىق كومەك تەتىگىن جەتىلدىرۋ ماسەلەسىن قاراستىرامىز»، - دەدى ايدا بالايەۆا ءماجىلىس وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرۋ بارىسىندا.
ءمينيستردىڭ ايتۋىنشا، قايىرىمدىلىق ماقساتىندا قارجى جيناۋ تەتىگىن رەتتەۋ ماسەلەسى ازاماتتىق قوعامنىڭ قاتىسۋىمەن كەڭىنەن، جان-جاقتى تالقىلانۋى ءتيىس. دەگەنمەن ۆەدومستۆو باسشىسى اتالعان ماسەلەنى قوعامدىق تالقىلاۋعا قاشان شىعارىلاتىنىن ايتپادى.
«بۇل قادام ازاماتتاردىڭ مۇددەسى ءۇشىن، ياعني كومەككە مۇقتاج جاندارعا قول ۇشىن سوزۋ ءۇشىن جاسالعانىن تۇسىنەمىن»، - دەيدى ول.
بۇعان دەيىن ايدا بالايەۆا ونلاين پەتيتسياعا قاتىستى شەكتى داۋىستى 50 مىڭنان اسىرۋ ماسەلەسى تالقىلانىپ جاتقانىن جەتكىزدى.
اۆتور
داۋلەت ىزتىلەۋ