قازاقستاندا قانشا زەينەتكەر بارى بەلگىلى بولدى

استانا. قازاقپارات - قازاقستانداعى زەينەتكەرلەر سانى بەلگىلى بولدى، - دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگى.

جىل باسىنان بەرى رەسپۋبليكالىق بيۋجەتتەن 1 تريلليون 861,7 ميلليارد تەڭگە سوماسىنا زەينەتاقى تولەندى، ونىڭ ىشىندە بازالىق زەينەتاقى تولەۋگە - 585,9 ميلليارد تەڭگە، ىنتىماقتى زەينەتاقى تولەۋگە - 1 تريلليون 275,8 ميلليارد تەڭگە قاراستىرىلدى.

2024-جىلعى 1-شىلدەدەگى جاعداي بويىنشا زەينەتكەرلەر سانى - 2 ميلليون 391 مىڭ ادام.

1-شىلدەدەگى جاعداي بويىنشا جيىنتىق زەينەتاقىنىڭ ورتاشا مولشەرى 132110 تەڭگەنى قۇرادى، ونىڭ ىشىندە ىنتىماقتى زەينەتاقى مولشەرى - 89479 تەڭگە، بازالىق زەينەتاقى - 42631 تەڭگە.

2018-جىلعى 1-شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىندەگى ءوتىلىن ەسكەرە وتىرىپ، ءار الۋشىعا جەكە تاعايىندالادى.