قازاقستاندا قانشا قالا بار

استانا. KAZINFORM - ۇلتتىق ستاتيستيكا بيۋروسى قازاقستاندا قانشا قالا بار ەكەنى جونىندە ستاتيستيكالىق اقپارات جاريالادى.

ءمالىم بولعانداي، ەلىمىزدە قالا مارتەبەسى بەرىلگەن 90 ەلدى مەكەن بار ەكەن. سوڭعى جىل ىشىندە ولاردىڭ سانى ءبىر بىرلىككە ارتقان. الماتى وبلىسىندا وبلىستىق ماڭىزى بار جاڭا قالا پايدا بولدى. جالپى وبلىستىق ماڭىزى بار قالالار سانى - 39، اۋداندىق ماڭىزى بارلار - 38، رەسپۋبليكالىق ماڭىزى بار قالا - 3.

وڭىرلىك بولىنىستە قالالاردىڭ ەڭ كوپ سانى اقمولا وبلىسىندا - 11 بىرلىك، سونداي-اق اقتوبە جانە قاراعاندى وبلىستارىنىڭ ءارقايسىسىندا 8 بىرلىكتەن.

2025 -جىلعى 1 -قاڭتارعا اۋماقتىق بىرلىكتەر قاتارىندا 195 اۋدان، 29 كەنت، 2160 اۋىلدىق وكرۋگ جانە 6 179 اۋىل بار.

ەسكە سالا كەتەيىك، بۇعان دەيىن ەكى جىلدا 80 اۋىل كارتادان جويىلىپ كەتكەنىن جازعان بولاتىنبىز.