استانا. KAZINFORM - قازاقستاندا 90 ەلدى مەكەن قالا مارتەبەسىنە يە. ونىڭ ىشىندە 39 قالا - وبلىستىق ماڭىزى بار، 48 قالا - اۋداندىق ماڭىزى بار، ال 3 قالا - رەسپۋبليكالىق ماڭىزى بار قالالار ساناتىنا جاتادى. بۇل تۋرالى ۇلتتىق ستاتيستيكا بيۋروسىنىڭ باسپاءسوز قىزمەتى حابارلادى.
وڭىرلەر بولىنىسىندە قالالاردىڭ ەڭ كوپ سانى اقمولا وبلىسىندا - 11 بىرلىك. سونداي-اق اقتوبە جانە قاراعاندى وبلىستارىندا - ءارقايسىسىندا 8 قالادان بار.
2026 -جىلعى 1 - قاڭتارداعى جاعداي بويىنشا ەلدىڭ اكىمشىلىك-اۋماقتىق قۇرىلىمىندا 195 اۋدان، 29 كەنت، 2157 اۋىلدىق وكرۋگ جانە 6096 اۋىل تىركەلگەن.
رەسپۋبليكا بويىنشا اۋدانداردىڭ ەڭ كوپ سانى اقمولا وبلىسىندا - 17 بىرلىك، كەنتتەردىڭ ەڭ كوبى قاراعاندى وبلىسىندا - 8 بىرلىك. اۋىلداردىڭ ەڭ كوپ سانى تۇركىستان وبلىسىندا تىركەلگەن - 794 بىرلىك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.