قازاقستاندا قانشا مۇناي قورى بار

 استانا. KAZINFORM - ەلىمىزدە مۇناي قورى قانشا كولەمدە؟ ونىڭ تاۋسىلۋى مۇمكىن بە؟ بۇل ساۋالعا ونەركاسىپ جانە قۇرىلىس مينيسترلىگى گەولوگيا كوميتەتىنىڭ ءتوراعاسى ەرلان اقباروۆ جاۋاپ بەردى.

«قازىر ەلىمىزدە 4 ميلليارد 400 ميلليون تونناعا تەڭ مۇناي قورى بار. ونىڭ ىشىندە وڭدەۋگە جاتاتىن C1 مۇناي ساناتىنىڭ قورى - 2 ميلليارد 900 ميلليون توننا. بۇل قازىرگى جەر قويناۋىن پايدالانۋشىلاردىڭ قورى. ودان بولەك، بارلاۋ جۇرگىزىلىپ جاتقان مۇناي كەن ورىندارى مەن ۋچاسكەلەر بار. ونىڭ كولەمى ءالى ەسەپتەلمەگەن، ياعني مۇناي تاۋسىلىپ قالادى دەگەن اڭگىمە جوق. وتاندىق مۇنايدىڭ بولجامدى قورى 78 ملرد توننانى قۇرايدى»، - دەدى ەرلان اقباروۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

گەولوگيا كوميتەتى ءتوراعاسىنىڭ مالىمدەۋىنشە، 2022 -جىلى وتاندىق مۇناي سالاسىندا «ەۋرازيا» جوباسى ىسكە قوسىلدى.

«جوبا اياسىندا كاسپي جانىنداعى شوگىندى باسسەيىننىڭ تومەنگى قاباتى زەرتتەلىپ جاتىر. وعان مەملەكەت اقشا ءبولىپ، اۋقىمدى جۇمىس اتقارىلۋدا. كاسپي تەڭىزىنىڭ قاباتىندا شوگىندى جىنىستار 25 شاقىرىمعا دەيىن جەتەدى. عىلىمي تۇرعىدان جاسالعان بولجاۋ جۇمىستارى قوردىڭ شامامەن 1 تريلليون تونناعا دەيىن جەتەتىنىن كورسەتتى»، - دەيدى ول.

بۇعان دەيىن ەلىمىزدە زاماناۋي گەولوگيالىق قور قويماسى سالىناتىنى تۋرالى حابارلاعان ەدىك.