قازاقستاندا قانشا كيىك اتىلۋى مۇمكىن

مينيستر وتكەن اپتادا كيىك سانىن رەتتەۋ بويىنشا عىلىمي نەگىزدەمە جاريالانعانىن، قازىر ۇيىمداستىرۋشىلىق ماسەلەلەردى قاراپ جاتقانىن ايتتى.

- ءبىز 1-2 كۇن ىشىندە ءوز شەشىمىمىزدى جاريالايمىز. عالىمدار ۇسىنعان نەگىزدەمەگە سايكەس، بۇكىل پوپۋلياتسيانىڭ 20 پايىزى رەتتەۋگە جاتادى. كوكتەمگى ساناق قورىتىندىسى بويىنشا ەلىمىزدە جالپى سانى 3 ميلليون 900 مىڭ كيىك بار، ونىڭ ىشىندە 2 ميلليون 300 مىڭى - ورال پوپۋلياتسياسى، 1 ميلليون 600 مىڭى - بەتپاقدالا پوپۋلياتسياسى، ال 700- 800 مىڭداي شاعىن پوپۋلياتسيا - ۇستىرتتە، - دەدى ەكولوگيا ءمينيسترى ۇكىمەتتە وتكەن باسپا ءسوز ءماسليحاتىندا.

سوندىقتان شامامەن 4 ميلليون كيىكتىڭ ىشىنەن 800 مىڭىن رەتتەۋ كەرەك.

- وندا جىنىستىق-جاس ەرەكشەلىگى بويىنشا قۇرامى دا انىقتالعان: 40 پايىزى - اتالىق كيىكتەر، 40 پايىزى - انالىق، 20 پايىزى - بيىلعى تولدەر (لاقتار) بولۋى كەرەك. ياعني بىزدە ناقتى ساندار مەن پارامەترلەر بار، قازىر سول بويىنشا دايىندىق جۇرگىزىلىپ جاتىر، - دەدى ە. نىسانبايەۆ.

بۇدان بۇرىن ەكولوگيا جانە تابيعي رەسۋرستار ءمينيسترى ەرلان نىسانبايەۆ ەلىمىزدىڭ قىتايعا 1500 كيىكتى سىيعا تارتۋىنا قاتىستى ويىن ورتاعا سالدى.