قازاقستاندا قانشا كولىك تىركەلگەن؟

استانا. KAZINFORM - قازاقستاندا تىركەلگەن اۆتوكولىك سانى 5579,4 مىڭعا جەتتى، - دەپ حابارلايدى ۇلتتىق ستاتيستيكا بيۋروسى.

2024-جىلعى تامىزدا 141,5 مىڭ بىرلىك اۆتوكولىك قۇرالى ەسەپكە قويىلدى، بىلتىر وسى كەزەڭمەن سالىستىرعاندا كورسەتكىش 44,1 پايىزعا وسكەن. 2024-جىلعى 1-قىركۇيەكتەگى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 5579,4 مىڭ بىرلىكتى قۇرادى، ونىڭ 88 پايىزى - جەڭىل اۆتوموبيلدەر، 9,9 پايىزى - جۇك كولىگى جانە 2,1 پايىزى - اۆتوبۋستار.

شىعارىلعان جىلدارى بويىنشا 3 جىلدان اسپايتىن اۆتوموبيلدەردىڭ ۇلەسى اۆتوپاركتىڭ - 6,2 پايىز، شىعارىلعان جىلى 3 تەن 7 جىلعا دەيىنگى كولىك ۇلەسى - 13,1 پايىز، 7 دەن 10 جىلعا دەيىن - 11,9 پايىز، 10 جىلدان 20 جىلعا دەيىن - 23,8 پايىز، 20 جىل بۇرىن وندىرىلگەن اۆتوموبيلدەردىڭ ۇلەسى - 44,8 پايىز. ايتا كەتەيىك، ەكى جىل بۇرىن شىعارىلعان جىلى 20 جىلدان اساتىن ماشينالاردىڭ ۇلەسى (2022-جىل 1-قىركۇيەككە) 50,8 پايىز بولعان.

وڭىرلەر بولىنىسىندە شىعارىلعان جىلى بويىنشا 20 جىلدان اسقان اۆتوموبيل سانى الماتى قالاسى مەن الماتى وبلىسىندا ەڭ كوپ. تيىسىنشە 206 مىڭ جانە 361 مىڭ، ودان كەيىن جامبىل - 190,5 مىڭ بىرلىك، قاراعاندى - 183,3 مىڭ بىرلىك جانە شىعىس قازاقستان وبلىستارىندا - 177,3 مىڭ بىرلىك. شىعارىلعان جىلى 3 جىلدان اسپايتىن كولىك سانى بويىنشا الماتى (55,3 مىڭ)، استانا (42 مىڭ) قالالارى جانە الماتى وبلىسى (22,4 مىڭ) الدا.