قازاقستاندا قانشا ادام سپورتپەن تۇراقتى شۇعىلدانادى

استانا. KAZINFORM - قازاقستاندا 8 ميلليونان استام ادام تۇراقتى تۇردە سپورتپەن شۇعىلدانادى. بۇل تۋرالى ق ر تۋريزم جانە سپورت مينيسترلىگى ءمالىم ەتتى.

مينيسترلىكتىڭ حابارلاۋىنشا، قازاقستاندا جىل سايىن تامىز ايىنىڭ ءۇشىنشى جەكسەنبىسىندە سپورت كۇنى اتالىپ وتىلەدى. ەلىمىزدە 4 وليمپيادالىق دايارلىق ورتالىعى جانە 19 وليمپيادالىق رەزەرۆتى دايىنداۋ ورتالىعى بار. بۇگىندە 8 ميلليوننان استام قازاقستاندىق تۇراقتى تۇردە سپورتپەن شۇعىلدانادى. بۇل جالپى حالىقتىڭ @,4 ىنا تەڭ، ونىڭ 3 ميلليوننان استامى اۋىل تۇرعىندارى. 300 مىڭعا جۋىق بالا مەن ءجاسوسپىرىم 780 نەن استام بالالار مەن جاس وسپىرىمدەر دەنە شىنىقتىرۋ كلۋبتارىندا سپورتپەن اينالىسادى.

رەسپۋبليكادا جىل سايىن ءارتۇرلى دەڭگەيدە 25 مىڭنان اسا سپورتتىق-بۇقارالىق ءىس-شارا تۇراقتى تۇردە وتكىزىلەدى. وعان 1,2 ميلليون ادام تارتىلادى. اۋىلدىق جەرلەردە تۇراتىن 500 مىڭ ادام دا اتالعان ءىس-شارالاردان سىرت قالمايدى. اسىرەسە، كەيىنگى جىلدارى جۇگىرۋ، مارافون، ۆەلوشەرۋ مەن ۆەلومارافون، سپورتتىق فەستيۆال سەكىلدى جارىستار مەن وتباسىلىق ءىس-شارالار حالىق اراسىندا كەڭ تانىلا باستادى.

2024-جىلدىڭ ءبىرىنشى جارتىجىلدىعىندا قازاقستان قۇراماسى 365 رەسپۋبليكالىق جانە شەت ەلدەردەگى 419 حالىقارالىق جارىستارعا قاتىستى. 2024-جىلدىڭ ءبىرىنشى جارتىجىلدىعىنىڭ قورىتىندىسى بويىنشا سپورتشىلارىمىز الەم، ازيا چەمپيوناتتارىندا جانە حالىقارالىق تۋرنيرلەردە 482 مەدال جەڭىپ الدى. ونىڭ 179 ى - التىن، 146 سى - كۇمىس جانە 157 ءسى - قولا مەدال.