قازاقستاندا قانشا 5G بازالىق ستانسياسى ورناتىلعان
قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلىمىزدە ورناتىلعان 5G بازالىق ستانسيالارىنىڭ سانىن جاريالادى، دەپ حابارلايدى Kazinform.
«بەلگىلەنگەن ليتسەنزيالىق مىندەتتەمەلەرگە سايكەس، بايلانىس وپەراتورلارى 2023-جىلى استانا، الماتى جانە شىمكەنت قالالارىندا 391 شاماسىندا 5G بازالىق ستانسياسىن ورناتۋ جوسپارلانعان. قازىر بايلانىس وپەراتورلارى 5G- ءدىڭ 677 بازالىق ستانتسياسىن ورناتقان. ماسەلەن، استانادا - 116 ستانسيا، الماتىدا – 326 ستانسيا ورناتىلدى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
ۆەدومستۆو مالىمەتىنشە، استانا، الماتى، تۇركىستان جانە شىمكەنت قالالارىنىڭ اۋداندارىندا 5G جەلىسىنىڭ قامتۋ اۋماعىن «موبايل تەلەكوم سەرۆيس» ج ش س (Tele 2 جانە Altel برەندتەرىمەن) جانە Kcell بايلانىس وپەراتورلارىنىڭ سايتتارىنداعى ءتيىستى كارتادان كورۋگە بولادى.
ايتا كەتەيىك، بيىل ەلىمىزدە 5G جاڭا ۇيالى بايلانىس جەلىسىن ەنگىزۋ باستالدى. جوبا اياسىندا 2027-جىلعا قاراي رەسپۋبليكالىق ماڭىزى بار قالالاردىڭ 75 پايىزىندا، وبلىس ورتالىقتارىنىڭ 60 پايىزىندا 5G تەحنولوگياسى قوسىلادى.