قازاقستاندا قانداي ماماندىق يەلەرى كوپ جالاقى الادى؟

مينيسترلىك 2023-جىلى جەلتوقساندا قاي وڭىرلەردە مامان تاپشىلىعى بايقالعانىن، سونىمەن قاتار، جۇمىس بەرۋشىلەر قاي ماماندىقتارعا جوعارى جالاقى ۇسىنعانىن جاريالادى، - دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.

2023-جىلعى جەلتوقساندا بىرنەشە وڭىردە بىلىكتى ماماندارعا تاپشىلىق بايقالدى. سونىڭ ىشىندە سولتۇستىك قازاقستان (2,2 مىڭ بوس جۇمىس ورنى جانە 655 تۇيىندەمە)، شىعىس قازاقستان (3,5 مىڭ بوس جۇمىس ورنى جانە 1,2 مىڭ تۇيىندەمە) جانە قاراعاندى وبلىستارى (4,5 مىڭ بوس جۇمىس ورنى جانە 2,5 مىڭ تۇيىندەمە)، سونداي-اق، الماتى قالاسى (9,8 مىڭ بوس جۇمىس ورنى جانە 5,3 مىڭ تۇيىندەمە) بار.

سۇرانىس ۇسىنىستان باسىم بولعانىنا قاراماستان، جەلتوقساندا زاڭگەرلەر (214 بوس جۇمىس ورنى جانە 846 تۇيىندەمە)، دەنەشىنىقتىرۋ جانە سپورت مۇعالىمدەرى (112 بوس جۇمىس ورنى جانە 425 تۇيىندەمە) جانە باستاۋىش سىنىپ مۇعالىمدەرى (151 بوس جۇمىس ورنى جانە 442 تۇيىندەمە) ايتارلىقتاي اسىپ ءتۇستى.

«قاراشادا جۇمىس بەرۋشىلەر ونەركاسىپتىڭ باس تەحنولوگتارىنا (ورتا ەسەپپەن 954 مىڭ تەڭگەدەن باستاپ)، ۇڭعىمالارعا قىزمەت كورسەتۋ جونىندەگى ينجەنەرلەرگە (800 مىڭ تەڭگەدەن باستاپ) جانە جۇيەلىك ساۋلەتشىلەرگە (700 مىڭ تەڭگەدەن باستاپ) ەڭ جوعارى جالاقى ۇسىندى. ۇڭعىمالارعا قىزمەت كورسەتۋ جونىندەگى ينجەنەرلەردەن (ورتا ەسەپپەن 1,5 ميلليون تەڭگەدەن باستاپ)، بۇرعىلاۋ جونىندەگى سۋپەرۆايزەرلەردەن (1,1 ميلليون تەڭگەدەن باستاپ) جانە ءونىمدى ازىرلەۋ جونىندەگى باسشىلاردان (935 مىڭ تەڭگەدەن باستاپ) ەڭ جوعارى جالاقىعا سۇرانىس بولدى»، - دەپ جازىلعان مينيسترلىك مالىمەتىندە.