قازاقستاندا قانداي كولىكتەر ەڭ از ساتىلادى؟

استانا. قازاقپارات - 2025-جىلعى قاڭتار مەن مامىر اراسىنداعى جاڭا اۆتوموبيل ساۋداسىنا قاراساق، 2024-جىلعى رەكورد جاڭاراتىنداي كورىنەدى. بەس ايدا ەلدەگى اۆتوسالوندار 85467 ماشينانىڭ كىلتىن تاپسىردى.

ەڭ تانىمال 3 مودەل - Chevrolet Cobalt ،Hyundai Tucson جانە Kia Sportage. ال قازاقستاندا سۇرانىس ەڭ از مودەلدەر قايسى؟

ەلدەگى اۆتوسالونداردا 200 گە جۋىق مودەل ساتىلىپ جاتىر. ونىڭ 115 ءىنىڭ بيىل 5 ايداعى ساۋداسى ءجۇز ەكزەمپليارعا جەتپەگەن. ال 33 مودەلدىڭ ناتيجەسىن ءتىپتى ساۋساقپەن ساناۋعا بولادى.

قازاقستان نارىعىنداعى ون اۋتسايدەر

ءبىزدىڭ ەلدە MG Cyberster ،Audi RSQ8 بەن S6 ،Genesis G70SB ،Alfa Romeo Stelvio جانە Giulia سياقتى كوپكە تاڭسىق ءارى قىمبات ماشينالار رەسمي ساۋدالانىپ جاتىر.

Renault Koleos ،Chevrolet Tahoe مەن Equinox تا كوپ سۇرالمايتىن مودەلدەر قاتارىندا. جىل باستالعالى «تاحو» مەن «ەكۆينوكستان» باسقاسىنىڭ تەك ءبىر ەكزەمپليارى وتكەن. ال امەريكادان كەلگەن SUV- لەردىڭ ەكەۋى يەسىن تاپتى.

توپ-20 تىزىمگە مودەلدىك توپتامادان شىعىپ قالعان كولىكتەر دە ەنگەن. مىسالى، Chevrolet Lacetti (2) ،Chevrolet Nexia (3) ،Hyundai Accent (3) جانە i30 (3) . ديلەرلەر قويمادا قالعان ماشينالاردى ساتقانى انىق.

باعاسىنىڭ قىمباتتىعىنا بايلانىستى سيرەك ساتىلاتىن مودەلدەر

اۋتسايدەرلەر اراسىندا Range Rover Velar (2 دانا)، Mercedes-Benz GLC Coupe (6) Maserati Grecale (6) ،BMW XM (7) ،Porsche Taycan (13) سياقتى پرەميۋم اۆتوموبيلدەر كەزدەسەدى.

كوپتىڭ كوڭىلىنەن شىقپاعان مودەلدەر

قازاقستاندا كليەنت تابا الماي وتىرعاندار اراسىندا قىتاي ونىمدەرى بار ەكەنىن ايتا كەتكەن جوق. قاڭتاردان مامىرعا دەيىن Bestune T77 - 2 ،BYD Han - 12 ،MG 6 - 23 ،Exeed RX – 34، Changan CS95- 37 ،Hongqi H5 38 داناسى ءوتتى. JAC JS5 (45 دانا)، Kaiyi E5 (49) جانە MG ZS (51) تاڭداعاندار دا كوپ بولعان جوق.