قازاقستاندا قانداي ءتيىمدى يپوتەكالىق باعدارلاما ارقىلى ءۇي الۋعا بولادى

استانا. KAZINFORM - وسى جانە وزگە دە سۇراقتار قامتىلعان Halyq Uni ءتىلشىسىنىڭ رەسمي ساۋالىنا ونەركاسىپ جانە قۇرىلىس مينيسترلىگى جاۋاپ بەردى.

قازاقستاندا قازىر كەلەسىدەي ءتيىمدى يپوتەكالىق باعدارلامالار ىسكە اسىرىلىپ جاتىر: «2-10-20»، «5-10-20»، «وتاۋ»، «ناۋرىز»، جاستارعا كرەديت بەرۋدىڭ وڭىرلىك باعدارلامالارى، اسكەري قىزمەتشىلەر مەن ارناۋلى مەملەكەتتىك ورگانداردىڭ قىزمەتكەرلەرىن تۇرعىن ۇيمەن قامتاماسىز ەتۋ باعدارلاماسى، «7-20-25» جانە تاعى باسقالار.

بيىل «وتباسى بانك» ا ق جەڭىلدەتىلگەن يپوتەكالىق باعدارلامالارىنا 6884 قارىز بەرۋدى جوسپارلاپ وتىر، ونىڭ ىشىندە:

«2-10-20» يپوتەكالىق باعدارلاماسى بويىنشا - 4683 قارىز (55,3 ميلليارد تەڭگە). تالاپتار: باستاپقى جارنا 10 پايىز، جىلدىق مولشەرلەمە 2 پايىز، مەرزىمى 20 جىلعا دەيىن. 4 سانات قاتىسا الادى: 1 جانە 2 توپتاعى مۇگەدەكتىگى بار ادامدار؛ مۇگەدەك بالالارى بار نەمەسە ولاردى تاربيەلەپ وتىرعان وتباسىلار؛ جەتىم بالالار؛ كوپ بالالى وتباسىلار.

«5-10-20» باعدارلاماسى بويىنشا - 2201 قارىز (26 ميلليارد تەڭگە). تالاپتار: باستاپقى جارنا 10 پايىز، جىلدىق مولشەرلەمە 5 پايىز، مەرزىمى 20 جىلعا دەيىن. جەرگىلىكتى اتقارۋشى ورگان ەسەبىندە تۇرعان بارلىق سانات قاتىسا الادى.

بۇدان باسقا، حالىقتىڭ الەۋمەتتىك وسال توپتارىنىڭ ءتورت ساناتى ءۇشىن جەكە تۇرعىن ءۇي قورىنان تۇرعىن ءۇيدى جالعا الۋ قۇنىنىڭ ءبىر بولىگىن سۋبسيديالاۋ باعدارلاماسى ىسكە اسىرىلىپ جاتىر (سۋبسيديالاۋ 50/50). نەگىزگى تالاپتارى: ءبىرىنشى جانە ەكىنشى توپتاعى مۇگەدەكتىگى بار ادامدار؛ مۇگەدەك بالالارى بار نەمەسە ولاردى تاربيەلەپ وتىرعان وتباسىلار؛ جەتىم بالالار؛ كوپ بالالى وتباسىلار، ءتورت ساناتتىڭ ءبىرى بويىنشا تۇرعىن ۇيگە كەزەكتە تۇرۋ. وتباسىنىڭ (ازاماتتىڭ) سوڭعى 6 ايدا وتباسىنىڭ ءاربىر مۇشەسىنە بولۋدەگى جيىنتىق تابىسى 1 ەڭ تومەنگى كۇنكورىس دەڭگەيىنەن نەمەسە 43407 تەڭگەدەن تومەن بولۋعا ءتيىس.

سونداي-اق، جەرگىلىكتى اتقارۋشى ورگان مۇقتاج ازاماتتارىنا يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋعا تۇرعىن ءۇي سەرتيفيكاتىن بەرەدى. جەرگىلىكتى ءماسليحاتتار تۇرعىن ءۇي سەرتيفيكاتتارىن الۋشىلاردىڭ ساناتتارىن جانە كومەك مولشەرىن ايقىندايدى. تۇرعىن ءۇي سەرتيفيكاتى بيۋدجەتتىك نەسيە تۇرىندە، الەۋمەتتىك كومەك نەمەسە الەۋمەتتىك قولداۋ رەتىندە ۇسىنىلادى. الەۋمەتتىك كومەك - سوڭعى 6 ايدا وتباسىنىڭ ءاربىر مۇشەسىنە شاققانداعى تابىسى ەڭ تومەنگى كۇنكورىس دەڭگەيىنىڭ 3,1 ەسەلەنگەن مولشەرىنەن (134561 تەڭگەگە دەيىن) تومەن ازاماتتارعا تەگىن بەرىلەدى. الەۋمەتتىك قولداۋ - تابىسى 3,1 ەسەلەنگەن ەڭ تومەنگى كۇنكورىس دەڭگەيىنەن (134561 تەڭگەدەن جوعارى) جوعارى ازاماتتارعا بيۋدجەتتىك كرەديت تۇرىندە (0,1 پايىزبەن) ۇسىنىلادى.

اسكەري قىزمەتشىلەر مەن ارناۋلى مەملەكەتتىك ورگانداردىڭ قىزمەتكەرلەرىن تۇرعىن ۇيمەن قامتاماسىز ەتۋ باعدارلاماسى. قاتىسۋشىلار: تۇرعىن ءۇي تولەمدەرىن الاتىن اسكەري قىزمەتشىلەر، مەملەكەتتىك كۇزەت جانە ءى ءى م قىزمەتكەرلەرى. قاتىسۋشىلارعا قويىلاتىن نەگىزگى تالاپتار:

بانكتە ارناۋلى سالىمنىڭ جانە جەكە ارناۋلى شوتتىڭ بولۋى؛

باستاپقى جارناسى 15-50 پايىزدان باستاپ قارىز الۋ ءۇشىن بانك جاريالاعان مەرزىمدە بانكتىڭ سايتىندا (www.online.hcsbk.kz) ءوتىنىم بەرىپ، باعدارلامانىڭ قاتىسۋشىسى بولۋى قاجەت.

«وتاۋ» باعدارلاماسى. قاتىسۋشىلار - جۇمىس ىستەيتىن جاستار، جاس وتباسىلار، تۇرعىن ءۇي تولەمدەرىن الۋشىلار، بانك سالىمشىلارى، مونوقالالاردىڭ، اۋدان ورتالىقتارى مەن اۋىلدىق ەلدى مەكەندەردىڭ تۇرعىندارى، ونىڭ ىشىندە جەرگىلىكتى اتقارۋشى ورگاندا كەزەكتە تۇرعاندار. نەسيەلەۋ شارتتارى:

سىياقى مولشەرلەمەسى - جىلدىق 9 پايىز؛

باستاپقى جارنا - قارىز سوماسىنىڭ 20 پايىزنان باستاپ؛

قارىزدىڭ ەڭ جوعارى سوماسى - استانا جانە الماتى قالالارىندا تۇرعىن ءۇي ساتىپ الۋ كەزىندە - 30 ميلليون تەڭگە، قالعان وڭىرلەردە - 18 ميلليون تەڭگە. قارىزدىڭ ماقساتى - باستاپقى تۇرعىن ءۇيدى، ونىڭ ىشىندە ۇلەستىك قاتىسۋ شارتى بويىنشا ساتىلاتىن تۇرعىن ءۇيدى ساتىپ الۋ. تۇرعىن ءۇيدى تاڭداۋ جانە برونداۋ وتباسى بانكىنىڭ «باسپانا ماركەت» پلاتفورماسىندا جۇزەگە اسىرىلادى.

«ناۋرىز» باعدارلاماسى. قاتىسۋشىلار - كرەديتتىك ءوتىنىم بەرىلگەن كۇنى ەميتەنتتىڭ سالىمشىلارى سانالاتىن قازاقستان ازاماتتارى جانە قانداستار، ونىڭ ىشىندە تۇرعىن ۇيگە مۇقتاج رەتىندە جەرگىلىكتى اتقارۋشى ورگانداردا ەسەپتە تۇرعان ازاماتتار. نەسيەلەۋ شارتتارى:

سىياقى مولشەرلەمەسى - حالىقتىڭ الەۋمەتتىك وسال توپتارى اراسىنان جەرگىلىكتى اتقارۋشى ورگاندا كەزەكتە تۇرعاندارى ءۇشىن - 7 پايىز؛

قالعان ازاماتتار ءۇشىن - جىلدىق 9 پايىز؛

باستاپقى جارنا - قارىز سوماسىنىڭ 20 پايىزنان باستاپ؛

قارىزدىڭ ماقساتى - باستاپقى تۇرعىن ءۇيدى، ونىڭ ىشىندە ق ج ت (ك ج ك) كەپىلدىگى بولعان جاعدايدا ۇلەستىك قاتىسۋ شارتى بويىنشا تۇرعىن ءۇيدى ساتىپ الۋ. ءبىر تۇرعىن ءۇي بويىنشا بىرنەشە كرەديتتىك ءوتىنىم تۇسكەن كەزدە تۇرعىن ۇيگە مۇقتاج رەتىندە جەرگىلىكتى اتقارۋشى ورگانداردا ەسەپتە تۇرعان قازاقستان ازاماتتارىنىڭ تۇرعىن ءۇي ساتىپ الۋعا باسىم قۇقىعى بولادى. قاتىسۋشىلارعا قويىلاتىن تالاپتار:

سالىمداعى ەڭ تومەنگى سوما - 1 ميلليون تەڭگەدەن كەم ەمەس؛

جىلجىمايتىن مۇلىكتىڭ مەنشىگى بويىنشا، سونداي-اق ونىمەن سوڭعى 5 جىل ىشىندە مامىلەلەردىڭ بولماۋى؛

رەسمي تابىستىڭ بولۋى (جۇمىسپەن قامتۋدىڭ بەلسەندى شارالارىنا قاتىساتىنداردى قوسا العاندا).

«7-20-25» باعدارلاماسى. نەسيەلەۋ شارتتارى:

تاۋارلاردىڭ باعاسى - 7,2-دەن 7,8 پايىزعا دەيىن؛

باستاپقى جارنا - جالپى سومانىڭ 20 پايىزدان استامى؛

ەڭ كوپ اقشا سوماسى - 25 ميلليون تەڭگە.

بانك سەرىكتەستەرى: «بانك سەنتر كرەديت» ا ق، «قازاقستان حالىق بانكى» ا ق، «ەۋرازيالىق بانك» ا ق، «Jysan bank» ا ق، «Forte bank» ا ق، «Altyn bank» ا ق، «Bank RBK» ا ق.

وتباسى بانك مەملەكەت باسشىسىنىڭ تاپسىرماسى بويىنشا بيىلعى مامىردا «ناۋرىز» جاڭا جەڭىلدىكتى باعدارلاماسىن ىسكە اسىرا باستادى. بۇل جاڭا تۇرعىن ءۇي باعدارلاماسى بويىنشا وتىنىمدەر 2024 -جىلعى 25-ساۋىردەن قابىلدانا باستادى.

قابىلداۋ مەرزىمى ەكى اي، ياعني 30-ماۋسىمعا دەيىن. وتىنىمدەردى «باسپانا ماركەت» پورتالىندا ە س ق ارقىلى بەرۋگە بولادى. قازىرگى تاڭدا «ناۋرىز» بويىنشا 9 مىڭنان استام ءوتىنىش قابىلداندى، 2 مىڭنان استامى قابىلدانبادى، 5 مىڭنان استام ءوتىنىش ورىندالىپ جاتىر، - دەدى ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆ.

سۋ تاسقىنى: ەكى وبلىستا جاڭا يپوتەكالىق باعدارلامانى ىسكە قوسۋ ماسەلەسى تالقىلانىپ جاتىر. پرەمەر-مينيستر «وتباسى بانككە» قاتىستى سىنعا جاۋاپ بەردى.