Qazaqstanda qańtarda 2 myńnan astam kólik shyǵarylǵan

ASTANA. QazAqparat - Qazaqstanda qańtardyń qorytyndysy boıynsha 12,1 mıllıard teńge somasynda 2105 avtokólik quraly shyǵarylǵan, dep habarlaıdy «QazAqparat» HAA «Qazavtoprom» Qazaqstannyń kólik salasy kásiporyndary odaǵynyń baspasóz qyzmetine silteme jasap.

«2018 jyldyń qańtar aıyndaǵy qorytyndy boıynsha Qazaqstan aýmaǵynda 12,1 mıllıard teńgege 2015 birlik avtokólik quraly (jeńil, júk, avtobýs tehnıkasy, arnaıy mashınalar men tirkemelerdi qosqanda) shyǵarylǵan. Óndiris kólemi byltyrǵy kórsetkishten 3,6 esege artqan. Jeńil kólikter óndirisi 3,7 esege artyp, 2041 birlikke jetken», - delingen habarlamada.

Qazaqstanda jınalatyn jeńil kólikterdiń úzdik bestiginde Lada (763 avto), KIA (128), Hyundaı (125), Ravon (96) jáne Chevrolet (46) tur.