قازاقستاندا مۇناي، گاز، كومىر، ۋران، ليتي جانە التىننىڭ باعاسى قانداي

استانا. KAZINFORM - قازاقستان مۇنايىنىڭ باعاسى باررەلىنە 72 دوللار بولدى، دەپ حابارلايدى Kazinform ءتىلشىسى.

وتكەن اپتادا قازاقستاندىق CPC Blend مۇناي برەندىنىڭ باعاسى 67 دوللارعا دەيىن ارزانداپ، بەيسەنبىدە 72 دوللارعا كوتەرىلدى.

مۇناي ءوندىرۋشى وپەك+ توبىنا مۇشە سەگىز ەل جەكسەنبى كۇنى مۇناي باعاسىنىڭ قۇلدىراۋىنىڭ جالعاسۋىنا جاۋاپ رەتىندە مۇناي ءوندىرۋدى ەرىكتى تۇردە قىسقارتۋ مەرزىمىن ءبىر ايعا، جەلتوقسان ايىنىڭ سوڭىنا دەيىن ۇزارتقانىن جاريالاعاننان كەيىن كوپ ۇزاماي باعا كوتەرىلدى.

تابيعي گاز باعاسى 1 ميلليون ب ج ب (بريتاندىق جىلۋ بىرلىگى، 293 كۆت/ساع تەڭ) ءۇشىن 2,72 دوللارعا دەيىن تومەندەدى.

ليتي باعاسى ءبىر اپتادا ءبىر كيلوگرامم ءۇشىن 9,3 دوللارعا دەيىن تومەندەدى.

كومىردىڭ الەمدىك باعاسى تونناسىنا 144 دوللاردى قۇرايدى.

قازاقستاندىق كومىر سۇرىپتارىنىڭ باعاسىنا كەلسەك:

* «شۇباركول كومىر» — 16,4 مىڭ تەڭگە/توننا؛

* «قاراجىرا» — 17,4 مىڭ تەڭگە/توننا؛

* «مايكۋبەن- ۆەست» - 14,5 مىڭ تەڭگە/توننا.

ۋران باعاسى وزگەرىسسىز قالىپ، كەلىسىنە 175 دوللار دەڭگەيىندە قالدى.

التىن باعاسى ءبىر اپتادا 85420 دوللارعا دەيىن تومەندەدى. ءبىر گرامىنىڭ باعاسى - 85,4 دوللار.

بۇعان دەيىن حابارلاعانىمىزداي، اقشا ايىرباستاۋ ورىندارىندا دوللار 490-495 تەڭگەدەن ساۋدالانىپ جاتىر.