قازاقستاندا ماشينا جاساۋ كولەمى 4,5 ەسەگە ارتادى
استانا. KAZINFORM - استانادا ءوتىپ جاتقان قازاقستان ماشينا جاساۋشىلارىنىڭ XII فورۋمىنا 20 ەلدەن 1500-دەن استام قاتىسۋشى جينالدى.
اۋستريا، برازيليا، گەرمانيا، يتاليا، قىتاي، تۇركيا، رەسەي جانە باسقا دا ەلدەردىڭ وكىلدەرى ەكى كۇن بويى سالاداعى وزەكتى ماسەلەلەردى، قازاقستاندىق ماشينا جاساۋ سالاسىنىڭ كەلەشەگىن جانە جاڭا مۇمكىندىكتەردى تالقىلايدى.
قازاقستان ماشينا جاساۋشىلارى وداعىنىڭ باسقارما ءتوراعاسى مەيرام پىشەمبايەۆتىڭ ايتۋىنشا، پرەزيدەنت تاپسىرماسىمەن 2024-2028 -جىلدارعا ارنالعان ماشينا جاساۋدى دامىتۋ جونىندەگى كەشەندى جوسپار ازىرلەندى. قۇجاتقا سايكەس، ءوندىرىس كولەمى 4,5 ەسەگە، ەكسپورت - 3 ەسەگە، ەڭبەك ونىمدىلىگى - 2 ەسەگە، ينۆەستيتسيا كولەمى - 1,5 ەسەگە ارتۋى كەرەك.
فورۋمدا ماشينا جاساۋ سالاسىن دامىتۋ مەملەكەت باسشىسىنىڭ جەكە باقىلاۋىندا ەكەنى ايتىلدى. «ونەركاسىپتىك ساياسات تۋرالى» زاڭ قابىلدانىپ، ونەركاسىپتى دامىتۋ قورى قۇرىلدى. 2023 -جىلى ۇكىمەت ماشينا جاساۋشىلار وداعى ۇسىنعان ءبىرقاتار باستامانى قولدادى.
م. پىشەمبايەۆتىڭ ايتۋىنشا، گەوساياسي سىن-قاتەرلەر جاعدايىندا ىشكى وندىرىستىك تىزبەكتەر مەن ەكسپورتتىق باعىتتاردى دامىتۋ، جاھاندىق نارىق تالاپتارىنا بەيىمدەلۋ اسا ماڭىزدى.
بۇگىندە قازاقستان جوعارى تەحنولوگيالى وڭدەۋشى ونەركاسىپكە باسىمدىق بەرىپ وتىر. العاش رەت ونىڭ ج ءى ءو- دەگى ۇلەسى تاۋ- كەن سەكتورىنان %4,6- عا اسىپ ءتۇستى. سونىمەن بىرگە، وڭدەۋشى ونەركاسىپ قۇرىلىمىنداعى ماشينا جاساۋدىڭ ۇلەسى - عا جەتتى.
ايتا كەتەيىك، پرەزيدەنت 2029 -جىلعا دەيىن ەلىمىزدىڭ جالپى ىشكى ءونىمىن 450 ميلليارد دوللارعا دەيىن جەتكىزۋ جانە وڭدەۋشى ونەركاسىپتەگى ەڭبەك ونىمدىلىگىن 1,5 ەسەگە ارتتىرۋ مىندەتىن قويعان ەدى.
قازاقستان ماشينا جاساۋشىلارىنىڭ XII فورۋمى 24-25- ءساۋىر كۇندەرى استانادا وتەدى. فورۋم وتاندىق ماشينا جاساۋ سالاسىن ودان ءارى دامىتۋعا باعىتتالعان ۇسىنىستار مەن پراكتيكالىق ۇسىنىمدار ازىرلەۋدى كوزدەيدى.
سونداي-اق، ەلوردادا ماشينا جاساۋ جانە مەتالل وڭدەۋ بويىنشا «Kazakhstan Machinery Fair 2024» حالىقارالىق مامانداندىرىلعان كورمەسى ءوتىپ جاتىر.
بۇعان دەيىن پرەمەر-مينيستر ولجاس بەكتەنوۆ قازاقستان پرەزيدەنتى قاسىم-جومارت توقايەۆتىڭ قۇتتىقتاۋ ءسوزىن وقىپ بەرگەن ەدى.