قازاقستاندا كۇز قانداي بولادى

استانا. KAZINFORM- سينوپتيكتەر 2024 -جىلدىڭ كۇزىنە ارنالعان اۋا رايىنىڭ الدىن الا بولجامىن جاسادى.

قىركۇيەكتىڭ ءبىرىنشى ونكۇندىگىندە جاۋىن-شاشىن از، جىلى اۋا رايى ساقتالادى، سودان كەيىن اتموسفەرالىق فرونتتاردىڭ ءجيى وزگەرۋى بايقالادى، بۇل رەسپۋبليكانىڭ كوپ بولىگىندە تۇراقسىز اۋا رايىنا اكەلەدى.

جاڭبىر، ەكپىندى جەل جانە اۋا تەمپەراتۋراسىنىڭ ءجيى اۋىتقۋى كۇتىلەدى، ال سولتۇستىك ايماقتاردا تۇندە 1-7 گرادۋسقا دەيىن ۇسكىرىك بولۋى مۇمكىن.

وڭتۇستىك وبلىستاردا جوعارى قىسىمدى ايماقتىڭ اسەرىنەن جاۋىن- شاشىن نورمادان از بولادى دەپ بولجانۋدا، ال تەمپەراتۋرالىق فون سالىستىرمالى تۇردە جىلى بولادى. الايدا، ءبىر اي ىشىندە تەمپەراتۋرا بىرتە-بىرتە تومەندەيدى: تۇندە 15+23+ گرادۋستان 3+10+ گرادۋسقا دەيىن، ال كۇندىز 25+35 + گرادۋستان 15+23+ گرادۋسقا دەيىن.

قىركۇيەك ايىندا اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورمادان 1° جوعارى، باتىستا، رەسپۋبليكانىڭ شىعىسى مەن وڭتۇستىك-شىعىسىنداعى تاۋلى ايماقتاردا نورماعا جاقىن بولادى.

قىركۇيەك ايىنداعى جاۋىن-شاشىن مولشەرى رەسپۋبليكانىڭ باسىم بولىگىندە قالىپتى شامادا جانە نورمادان جوعارى، وڭتۇستىك وبلىستاردا نورمادان تومەن بولادى دەپ بولجاندى.

بۇعان دەيىن سولتۇستىك قازاقستان وبلىسىنىڭ سينوپتيكتەرى كۇزگە ماۋسىمدىق بولجام جاساعان بولاتىن.

اۆتور

ەركەجان سماعۇلوۆا