قازاقستاندا كىمدەرگە نەسيە بەرۋگە تىيىم سالىنادى؟

استانا. KAZINFORM – قازاقستاندا كەيبىر ادامدارعا نەسيە بەرۋگە تىيىم سالىنادى. سەناتتا قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆ ەگجەي-تەگجەيىن ايتتى.

ولجاس قيزاتوۆتىڭ سوزىنشە، قاۋىپتى شەكتەۋ ماقساتىندا بازالىق بانكتەرگە رەزيدەنت ەمەستەرگە نەسيە جانە باسقا دا نەسيە ونىمدەرىن بەرۋگە، سونداي-اق، بانكپەن ەرەكشە بايلانىسى بار تۇلعالارعا قارىز بەرۋگە تىيىم سالىنباق.

«بازالىق ليتسەنزياسى بار بانكتەر ءۇشىن كەيبىر قاۋىپتى وپەراتسيالاردى شەكتەيمىز. ولارعا بانكپەن ەرەكشە بايلانىسى بار تۇلعالارعا قارىز بەرۋدى دە جاتقىزامىز. زاڭنامادا ەكىنشى دەڭگەيدەگى بانكتەردىڭ باسشىلىعىمەن قانداي تۇلعالار اففيلييرلەنگەنى جازىلعان. بانكتەر ءار توقسان سايىن ەسەپ بەرەدى، وندا قانداي تۇلعالار اففيليرلەنگەنىن كورسەتەدى»، - دەپ ءتۇسىندىردى قيزاتوۆ سەناتتاعى بريفينگتە.

ەسكە سالايىق، بۇعان دەيىن Finprom.kz قازاقستاندىقتاردىڭ كرەديتى تۋرالى زەرتتەۋ جاريالاپ، بانكتەر بارىنە بىردەي قارىز بەرە مە دەگەن ساۋالعا جاۋاپ ىزدەگەنى حابارلاندى.

«قارىز الۋشىنىڭ ءوز مىندەتىن تولىق ورىنداۋعا مۇمكىندىگى بولماسا، وعان ەشكىم كرەديت بەرمەيدى، مۇنى رەسمي ستاتيستيكا دا كۋالاندىرىپ وتىر. كەپىلسىز كرەديت بارلىعىنا بىردەي بەرىلە بەرمەيدى»، - دەدى ساراپشىلار بۇعان دەيىن.