قازاقستاندا كەلەسى جىلى جاردەماقى، زەينەتاقى جانە ايىپپۇلداردىڭ مولشەرى وسەدى

استانا. قازاقپاارت - قارجى مينيسترلىگى «اشىق ن ق ا» پورتالىندا «2025 - 2027 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن جاريالادى، دەپ حابارلايدى Azattyq Rýhy.

قۇجاتتا كەلەسى جىلى زەينەتاقى، ەڭ تومەنگى جالاقى جانە ايلىق ەسەپتىك كورسەتكىش قالاي وزگەرەتىنى جازىلعان.

زاڭ جوباسىنا سايكەس، 2025 -جىلعى 1-قاڭتاردان باستاپ ايلىق ەسەپتىك كورسەتكىش 3932 تەڭگە بولادى. قازىر ءبىر ا ە ك 3692 تەڭگەگە تەڭ.

ايتا كەتەرى، ايلىق ەسەپتىك كورسەتكىش جاردەماقى، ايىپپۇل، سالىق جانە باسقا دا تولەمدەردى ەسەپتەۋ ءۇشىن قولدانىلادى. ياعني، ا ە ك وسسە، جاردەماقىلار مەن ايىپپۇلداردىڭ مولشەرى دە ۇلعايادى دەگەن ءسوز.

كەلەسى جىلى ەڭ تومەن جالاقى وزگەرىسسىز قالادى - 85 مىڭ تەڭگە. ال مەملەكەتتىك بازالىق زەينەتاقىنىڭ ەڭ تومەن مولشەرى - 32360 تەڭگەنى (بيىل 28215 تەڭگە)، زەينەتاقىنىڭ ەڭ تومەن مولشەرى 62771 تەڭگەنى (بيىل 57853 تەڭگە) قۇرايدى.

جاسىنا بايلانىستى زەينەتاقى جانە ەڭبەك سىڭىرگەن جىلدارى ءۇشىن زەينەتاقى 2025 -جىلعى 1-قاڭتاردان باستاپ 8,5 پايىزعا كوتەرىلەدى.

بازالىق الەۋمەتتىك تولەمدەردىڭ مولشەرلەرىن ەسەپتەۋ ءۇشىن ەڭ تومەن كۇنكورىس دەڭگەيىنىڭ شاماسى 46228 تەڭگە بولىپ بەكىتىلمەك.

قۇجات 31-تامىزعا دەيىن قوعام تالقىسىنا شىعارىلدى.