قازاقستاندا جىل باسىنان بەرى جول اپاتىنان 2077 ادام مەرت بولدى
قونايەۆ. KAZINFORM - قونايەۆ قالاسىندا دۇنيەجۇزىلىك جول اپاتى قۇرباندارىن ەسكە الۋ كۇنى ءوتتى.
الماتى وبلىسىنىڭ پوليتسەيلەرى جول اپاتى قۇرباندارىن ەسكە الدى. ولار جانتۇرشىگەرلىك اپاتقا ۇشىراپ، تاس- تالقانى شىققان كولىكتەردى قالا كوشەلەرىمەن الىپ ءوتتى. وسىلايشا، ءتارتىپ ساقشىلارى جۇرگىزۋشىلەردى تارتىپكە شاقىرماق.
اكسيا ءوڭىر تۇرعىندارىن، ونىڭ ىشىندە بەلسەندى جاستاردى جينادى.
«مۇنداي اكسيالار جول قوزعالىسىنىڭ ءاربىر قاتىسۋشىسىنىڭ جەكە جاۋاپكەرشىلىگىن سەزىنۋگە ىقپال ەتەدى جانە قايعىلى جاعدايلاردىڭ سانىن ازايتۋعا كومەكتەسەدى»، - دەپ اتاپ ءوتتى الماتى وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى ەركەبۇلان احمەتوۆ.
قارا جول قاتەلىكتى كەشىرمەيدى. جىل باسىنان بەرى رەسپۋبليكا جولدارىندا 2077 ادام مەرت بولدى.
اۆتور
ايدار وسپاناليەۆ