قازاقستاندا جەڭىل اۆتوكولىكتەردى جالعا بەرۋ قىزمەتى كەڭەيىپ كەلەدى

استانا. KAZINFORM - ۇلتتىق ستاتيستيكا بيۋروسى جەڭىل اۆتوكولىكتەردى جالعا بەرۋ بويىنشا كورسەتىلگەن قىزمەتتەر كولەمى 26,7 پايىزعا ارتقانىن حابارلادى.

«2024-جىلعى قاڭتار-ماۋسىمدا جەڭىل اۆتوموبيلدەردى جالعا بەرۋ بويىنشا كورسەتىلگەن قىزمەتتەر كولەمى 58,1 ميلليارد تەڭگەنى قۇرادى، بۇل 2023-جىلعى سايكەس كەزەڭمەن سالىستىرعاندا 26,7 پايىزعا ارتىق (45,8 ميلليارد تەڭگە). وسى سومانىڭ ىشىنەن حالىقتىڭ قاراجاتى ەسەبىنەن ۇسىنىلعان قىزمەتتەر 3 ميلليارد تەڭگەنى قۇرادى، ال اۋىلدىق جەرلەردە كورسەتىلگەن قىزمەتتەر كولەمى 6,8 ميلليارد تەڭگەگە جەتتى (2,1 ەسە ارتىق)»، - دەپ جازدى ستاتبيۋرودان.

جۇك اۆتوموبيلدەرىن جالعا الۋعا كەلسەك، اتالعان كەزەڭدە قىزمەت كورسەتۋ كولەمى 45,3 ميلليارد تەڭگەنى قۇرادى، بۇل بىلتىرعى سايكەس كەزەڭمەن سالىستىرعاندا 0,3 پايىزعا كەم (45,4 ميلليارد تەڭگە).

اۋىل شارۋاشىلىعى ماشينالارى مەن جابدىقتارىن جالعا بەرۋ قىزمەتى 30,1 پايىز ءوسىم كورسەتتى - 1,6 ميلليارد تەڭگە (2023-جىلعى قاڭتار-ماۋسىم - 1,2 ميلليارد تەڭگە).