«قازىر ەلىمىزدە جەتىم جانە اتا-اناسىنىڭ قامقورلىعىنسىز قالعان بالالارعا 115 مەكەمە بار. جالپى وسى مەكەمەلەردە 4 مىڭنان استام بالا تۇرادى. ال جالپى قازاقستاندا جەتىم جانە اتا-اناسىنىڭ قامقورلىعىنسىز قالعان 22 مىڭ بالا بار. ونىڭ ىشىندە 17 مىڭ بالا قامقورشىلىقتا، پاتروناتتىق تاربيەدە جانە تۋىستارىمەن تۇرادى»، - دەدى دينارا زاكيەۆا «Jibek Joly» تەلەارناسىنا بەرگەن سۇقباتىندا.
ۋاكىل سۇقبات بارىسىندا ەلىمىزدە جەتىم جانە اتا-اناسىنىڭ قامقورلىعىنسىز قالعان بالالاردىڭ سانى كوبەيىپ كەلە جاتقانىن ايتتى. ومبۋدسمەنىنىڭ ايتۋىنشا، ەلىمىزدە ءبىر جىل ىشىندە 4 مىڭ بالا بالالار ۇيىنە نەمەسە بەيىمدەۋ ورتالىقتارىنا كەلىپ تۇسەدى. بيىل بۇل كورسەتكىش 4 مىڭنان اسقان.
ەسكە سالايىق، بۇعان دەيىن سەنات دەپۋتاتى نۋريا نيازوۆا بۇگىندە بالالار ۇيىندەگى مۇعالىمدەردىڭ جالاقىسىن كوتەرۋ كەرەكتىگىن ايتقان. سەناتوردىڭ ايتۋىنشا، بۇل مەكەمەدەگى مۇعالىمدەردىڭ جالاقىسىن كوتەرۋدى رەتتەيتىن تەتىك ۇكىمەت قاۋلىسىنا ەنگىزىلمەگەن. سونداي-اق بۇل تىزىمگە دەنساۋلىق ساقتاۋ جانە بالالاردى الەۋمەتتىك قورعاۋ سالاسىنداعى پەداگوگتار دا ەنبەگەن.
بىلتىر Halyq Uni رەداكسياسى اكىمدىكتەردەن رەسمي جاۋاپ الىپ، قازاقستاندا ەڭ كوپ بالالار ءۇيى قوستاناي مەن پاۆلودار وبلىسىندا بولسا، وسىنداي مەكەمەلەردەگى بالا سانى ەڭ كوپ ءوڭىر الماتى قالاسى ەكەنىن جازدى.
جالپى، قازاقستان بويىنشا 3082 جەتىم نەمەسە اتا-انا قامقورلىعىنان ايىرىلعان بالالار ارنايى مەكەمەدە تاربيەلەنىپ جاتىر.