قازاقستاندا جاستار اراسىندا 735 مىڭ دارا كاسىپكەر تىركەلگەن - ۇلتتىق ستاتيستيكا بيۋروسى

استانا. KAZINFORM - ۇلتتىق ستاتيستيكا بيۋروسى وسى جىلدىڭ 1-قازانداعى جاعداي بويىنشا ەلىمىزدە تىركەلگەن دارا كاسىپكەرلەر سانىن جاريالادى.

ءمالىم بولعانداي، قازاقستاندا تىركەلگەن دارا كاسىپكەرلەر سانى 1512,9 بىرلىك بولدى، بۇل وتكەن جىلدىڭ سايكەس كەزەڭىمەن سالىستىرعاندا 1,2 پايىز كوپ.

ولاردىڭ 1426,3 مىڭى جۇمىس ىستەپ تۇر (جالپى ساننىڭ 94 پايىز).

«دارا كاسىپكەرلەردىڭ ەڭ كوپ سانى الماتى جانە استانا قالالارىندا تىركەلگەن، ولاردىڭ سانى سايكەسىنشە 263,1 مىڭ جانە 177,6 مىڭ بىرلىك. ۇزدىك ۇشتىكتى 122,2 مىڭ دارا كاسىپكەرى بار تۇركىستان وبلىسى تۇيىندەيدى. دارا كاسىپكەرلەردىڭ ەڭ از سانى ۇلىتاۋ وبلىسىندا تىركەلگەن - 13,7 مىڭ بىرلىك»، - دەلىنگەن حابارلامادا.

تىركەلگەن دارا كاسىپكەرلەردىڭ باسىم بولىگى (43,6 پايىز) كوتەرمە جانە بولشەك ساۋدا سالاسىندا - 660 مىڭ بىرلىك، سونداي-اق باسقا دا قىزمەتتەردى كورسەتىپ وتىر (293,5 مىڭ بىرلىك).

دارا كاسىپكەرلەر سانى قارجى جانە ساقتاندىرۋ قىزمەتىندە ەڭ از - 515 بىرلىك.

ايتا كەتەيىك، بارلىق دارا كاسىپكەرلەردىڭ 49 پايىز 35 جاسقا دەيىنگى جاستار (735,1 مىڭ بىرلىك)، ونىڭ 56 پايىز - ايەلدەر. قالا جاستارى دارا كاسىپكەرلەردىڭ جالپى سانىنىڭ 36 پايىز قۇرايدى.

ەسكە سالا كەتەيىك، بيىل توعىز ايدا جالپى ىشكى ءونىم 4 پايىزعا ارتتى.