قازاقستاندا حالىقارالىق جۇرگىزۋشى كۋالىگى بەرىلەدى

استانا. KAZINFORM - ەلىمىزدە كولىك جۇرگىزۋشىلەرىنە حالىقارالىق كۋالىگى بەرىلە باستايدى. بۇل تۋرالى ىشكى ىستەر مينيسترلىگىنىڭ باسپا ءسوز قىزمەتى مالىمدەدى.

«قازاقستان رەسپۋبليكاسىنىڭ ۇلتتىق جۇرگىزۋشى كۋالىگى جول قوزعالىسى تۋرالى كونۆەنتسياعا قول قويعان ەلدەردە جارامدى (ۆەنا، 1968 -جىل). قازىرگى ۋاقىتتا بۇل 80 نەن استام ەل. سونداي-اق، ۇلتتىق جۇرگىزۋشى كۋالىگى جاپونيا مەن ءۇندىستاندا جارامدى. ويتكەنى بۇل ەلدەر ب ۇ ۇ كونۆەنتسياسىنىڭ قۇرامىنا كىرەدى»، - دەلىنگەن حابارلامادا.

اقپاراتتا ايتىلعانداي، ا ق ش-تا قازاقستاندىق جۇرگىزۋشى كۋالىگى جارامسىز، سوندىقتان كولىك قۇرالدارىن باسقارۋ اتالعان ەلدىڭ زاڭناماسىنا سايكەس جۇزەگە اسىرىلادى.

«جول قوزعالىسى سالاسىنداعى نورماتيۆتىك قۇقىقتىق اكتىلەرگە سايكەس حالىقارالىق جۇرگىزۋشى كۋالىكتەرىن بەرۋ كوزدەلگەن. حالىق اراسىندا پايدا بولعان سۇرانىستى ەسكەرە وتىرىپ، قازاقستاندىق قۇقىقتار الەم ەلدەرىنىڭ جارتىسىندا تانىلعانىنا قاراماستان، ىشكى ىستەر مينيسترلىگى حالىقارالىق جۇرگىزۋشى كۋالىگىن بەرۋ بويىنشا مەملەكەتتىك قىزمەتتى ىسكە قوسۋ بويىنشا جۇمىس جۇرگىزۋدە. جۇمىستاردىڭ اياقتاۋ بيىلعا جوسپارلانعان»، - دەيدى مينيسترلىكتەن.

سونداي-اق ءى ءى م مالىمەتىنشە مەملەكەتتىك ورگاننىڭ حالىقارالىق جۇرگىزۋشى كۋالىگىنىڭ بەرىلگەن سانى تۋرالى اقپارات جوق.

اۆتور
داۋلەت ىزتىلەۋ