قازاقستاندا شەتەلدىك ماركەتپلەيستەردى تىركەۋ مىندەتتەلەدى

استانا. KAZINFORM - ەندىگى شەتەلدىك ماركەتپلەيستەر ەلىمىزدە تىركەلۋگە جانە ورنالاسۋعا مىندەتتى بولماق. بۇل تۋرالى ساۋدا جانە ينتەگراتسيا ۆيتسە-ءمينيسترى قايرات تورەبايەۆ ءمالىم ەتتى.

- قازىر ماجىلىستە تۇتىنۋشىلاردىڭ قۇقىعىن قورعاۋ تۋرالى زاڭ قارالىپ جاتىر. ەندى كومپانيالار ءوز ءونىمى ءۇشىن جاۋاپتى بولادى. بۇعان دەيىن ولار وندىرۋشىگە سىلتەيتىن، وسىلايشا ءبىز ءار وندىرۋشىمەن بولەك جۇمىس ىستەۋگە تۋرا كەلدى. ءبىز ەندى كومپانيالاردى قازاقستاندا بولۋعا جانە تىركەۋدەن ءوتۋدى تالاپ ەتەمىز، - دەدى قايرات تورەبايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ساۋدا ۆيتسە-ءمينيسترىنىڭ مالىمەتىنشە، Temu, Pinduoduo ماركەتپلەيستەر ەلىمىزدە تىركەلمەگەن. الايدا، قازىر «قازپوشتا» باس وپەراتور رەتىندە اتالعان كومپانيالارمەن كەلىسسوزدەر جۇرگىزىپ جاتىر.

- ەگەر ماركەتپلەيستەر قازاقستاندا رەسمي تىركەلىپ، اشىلماسا، ولاردا سالىق بەرەشەگى بويىنشا ماسەلە تۋىندايدى، - دەپ تولىقتىردى ق. تورەبايەۆ.

بۇعان دەيىن ماركەتپلەيستەر قازاق تىلىندە قىزمەت كورسەتۋگە مىندەتتەلەتىنى ايتىلدى.

سونداي-اق، قازاقستاندىقتار ماركەتپلەيستەردە نەنى ساتىپ الۋعا قۇمار ەكەنىن بىلگەن ەدىك.