قازاقستاندا دەمالىس كۇندەرى ۇسىك جۇرەدى

بۇل تۋرالى «قازاقپارات» اگەنتتىگى حابارلايدى.

سينوپتيكتەردىڭ اقپاراتى بويىنشا، جاقىن كۇندەرى اتموسفەرالىق فرونتال بولىكتەر رەسپۋبليكانىڭ كوپ بولىگىنە جاۋىن-شاشىن اكەلەدى؛ جەل كۇشەيىپ، اۋا تەمپەراتۋراسى تومەندەيدى.

الماتى جانە شىعىس قازاقستان وبلىستارىنىڭ تاۋلى اۋداندارىندا جاۋىن-شاشىن بولادى، 1- قازاندا شىعىس قازاقستان وبلىسىندا جاڭبىر مەن قار ارالاس جاڭبىر جاۋادى. رەسپۋبليكانىڭ باتىسىندا عانا جاۋىن-شاشىنسىز، جايلى، اشىق كۇن رايى ساقتالادى. ەلدىڭ كوپ بولىگىندە تۇندە جانە تاڭدا تۇمان ءتۇسۋى مۇمكىن.

اۋا تەمپەراتۋراسى رەسپۋبليكانىڭ سولتۇستىك بولىگىندە تۇندە 0-8، كۇندىز 10-23 گرادۋس جىلى بولادى. وڭتۇستىك شىعىستا تۇندە 5-15، كۇندىز 18-25 گرادۋسقا دەيىن ىسيدى. ەلدىڭ سولتۇستىك-باتىسى، سولتۇستىگى مەن ورتالىعىندا تۇندە 3 گرادۋسقا دەيىن ۇسىك ءجۇرۋى مۇمكىن.