قازاقستاندا پەداگوگتەردى جۇمىسقا قابىلداۋ جۇيەسى اۆتوماتتاندىرىلدى

1-ساۋىردەن باستاپ ق ر وقۋ-اعارتۋ مينيسترلىگى ۇلتتىق ءبىلىم بەرۋ دەرەكتەر قورىندا پەداگوگتەردى مەكتەپكە جۇمىسقا قابىلداۋ بويىنشا جاڭا مودۋلدى ىسكە قوسادى. بۇل شارا سىبايلاس جەمقورلىققا قارسى جانە كونكۋرستىق راسىمدەردى اشىق وتكىزۋگە باعىتتالعان.

سونداي-اق پەداگوگتەردى اتتەستاتتاۋدا قۇجاتتاردى تاپسىرۋ بويىنشا دا اۆتوماتتاندىرۋ ەنگىزىلۋدە.

ەندى پەداگوگتەردىڭ بارلىق مالىمەتتەرى «پەداگوگ پورتفوليوسى» مودۋلىندە جيناقتالادى. مۇندا پەداگوگ تۋرالى، ونىڭ ءبىلىمى، دەنساۋلىق جاعدايى، جۇمىس تاجىريبەسى، قۇقىق بۇزۋشىلىقتار، اتتەستاتتاۋدان ءوتۋ، ماراپاتتارى جانە تالىمگەرلىك پەن سيفرلىق قۇجاتتار تۋرالى ەلەكتروندىق اقپارات ساقتالادى.

«اشىقتىق پەن ەسەپتىلىكتىڭ بولۋى سىبايلاس جەمقورلىققا قارسى كۇرەستە باستى ءرول اتقارادى. وسى مودۋلدەردى ەنگىزە وتىرىپ، پەداگوگتەردى جۇمىسقا قابىلداۋ كەزىندە قاعاز جۇزىندەگى قۇجات اينالىمىن جانە سىبايلاس جەمقورلىق تاۋەكەلدەرىن تولىق جويۋ جوسپارلانۋدا. جۇيەنى ىسكە قوسۋ الدىندا باسقارما، بولىمدەر مەن ءبىلىم بەرۋ ۇيىمدارىنىڭ ماماندارى ءۇشىن وقىتۋ ۇيىمداستىرىلدى»، - دەيدى ق ر و ا م سيفرلاندىرۋ دەپارتامەنتى ديرەكتورىنىڭ ورىنباسارى مايرا مارالبايەۆا.

ەسكە سالا كەتەيىك، بۇعان دەيىن اتالعان مودۋل شىمكەنت قالاسىندا جانە قاراعاندى وبلىسىنىڭ شاحتينسك قالاسىندا سىناقتان ءوتتى.

سونداي-اق جۇمىس ىزدەۋ جانە قاجەتتى پەرسونالدى تاڭداۋ بويىنشا ەلىمىزدىڭ باسقا وڭىرلەرىندە دە اشىقتىق جاعداي جاساۋ ءۇشىن ۇ ب د ق-نىڭ «ەلەكتروندىق ەڭبەك بيرجاسى» پلاتفورماسىمەن ءوزارا ينتەگراتسياسى جوسپارلانعان.