قازاقستاندا بولۋ ەرەجەلەرىن بۇزعانى ءۇشىن 11,5 مىڭ شەتەلدىك جاۋاپقا تارتىلدى

استانا. KAZINFORM - قازاقستاندا بولۋ ەرەجەلەرىن بۇزعانى ءۇشىن 11,5 مىڭ شەتەلدىك جاۋاپقا تارتىلدى. بۇل تۋرالى ءى ءى م اقپاراتتىق ساياسات دەپارتامەنتىنىڭ باسقارما باستىعى باۋىرجان ماكسيموۆ ءمالىم ەتتى.

«ۋچاسكە» جەدەل-الدىن الۋ شاراسى وسى جىلدىڭ 16-قىركۇيەگىنەن باستاپ ۇزدىكسىز وتكىزىلۋدە. سول ۋاقىتتان باستاپ ءتارتىپ ساقشىلارى 4 ميلليوننان استام پاتەرلەر مەن جەكە ۇيلەردى ارالاپ شىقتى. جالعا بەرىلەتىن 7 مىڭعا جۋىق پاتەر انىقتالىپ، ولار تۋرالى اقپارات «سالىق» ورگاندارىنا جىبەرىلدى. قوعامدىق ورىنداردى لاستاعانى ءۇشىن 10 مىڭ ادام، سونىمەن قاتار قوعامدىق ورىنداردا بالاعات سوزدەر ايتقانى جانە ءۇي مۇلىكتەرىنە زاقىم كەلتىرگەنى ءۇشىن 2 مىڭ بۇزاقى جاۋاپقا تارتىلدى»، - دەدى باسقارما باستىعى مينيسترلىكتە وتكەن بريفينگتە.

ونىڭ دەرەگىنشە، تۇنگى ۋاقىتتا كوشەدە نەمەسە ويىن-ساۋىق ورىندارىندا زاڭدى وكىلدەرىنسىز جۇرگەن 2 مىڭ كامەلەتكە تولماعان بالا انىقتالدى.

«قازاقستاندا بولۋ ەرەجەلەرىن بۇزعانى ءۇشىن 11,5 مىڭ شەتەلدىك جاۋاپقا تارتىلدى. 38 مىڭنان استام شارۋا قوجالىقتارى تەكسەرىلدى. ايتا كەتۋ كەرەك، وبەكتىلەردى ارالاۋ كەزىندە ورتكە قارسى قاۋىپسىزدىكتىڭ ساقتالۋىنا دا نازار اۋدارىلدى»، - دەدى باۋىرجان ماكسيموۆ.

اۆتور

مارلان جيەمباي