قازاقستاندا اۆتوموبيلدەردىڭ «كولەڭكەلى» يمپورتىنا باقىلاۋ كۇشەيتىلەدى

استانا. KAZINFORM - قازاقستاننىڭ اۆتوكولىك وداعىنىڭ پرەزيدەنتى انار ماقاشەۆا ۇكىمەت وتىرىسىندا ماشينا جاساۋ سالاسىنداعى قازىرگى احۋال تۋرالى حاباردار ەتتى.

«ماسەلەن، جالپى ماشينا جاساۋ سالاسىنداعى اۆتوموبيل جاساۋ ۇلەسى 39,4 پايىزدى قۇرادى، ال ەسەپتى كەزەڭدە جاڭا ماشينالاردى ساتۋدىڭ جالپى كولەمىندەگى وتاندىق اۆتوموبيلدەردىڭ ۇلەسى 63 پايىزعا جەتتى»، - دەدى ول.

2024-جىلدىڭ قورىتىندىسى بويىنشا قازاقستاندا 130 مىڭنان استام جەڭىل اۆتوموبيلدەر مەن كوممەرتسيالىق تەحنيكا شىعارىلادى دەپ كۇتىلىپ وتىر.

اۆتووندىرۋشىلەردىڭ الدىندا تۇرعان نەگىزگى پروبلەمالاردىڭ قاتارىندا لوگيستيكا، سونداي-اق قازاقستانعا «قىلمىستىق» وتكەنى بار جانە تەحنيكالىق رەگلامەنتكە سايكەس كەلمەيتىن اۆتوموبيلدەردى اكەلۋ ءىسى تۇرعانى اتاپ ءوتىلدى. وسىعان بايلانىستى پرەمەر-مينيستر مەملەكەتتىك ورگانعا كولىكتى «كولەڭكەلى» جەتكىزۋ ىسىمەن اينالىسۋدى تاپسىردى.

«ماسەلە وتە ماڭىزدى. ول وتاندىق اۆتووندىرۋشىلەر ءۇشىن جوسىقسىز باسەكەلەستىك تۋعىزادى. بۇل اسىرەسە جۇك كولىگىندە بايقالادى. كەدەن ورگاندارى، ستاندارتتاۋ كوميتەتى بۇل ماسەلەمەن بايىپتى اينالىسۋعا ءتيىس. سونداي-اق پوليتسيا دا قوسىلۋى كەرەك. مەن اۆتوموبيل زاۋىتتارىنىڭ بىرىندە وندىرۋشىلەرمەن كەزدەستىم، ولار: «ءبىز وندىرەمىز، ءبىراق مۇندا ەۋرو2 رەتىندە كەلەتىن تەحنيكامەن باسەكەگە تۇسە المايمىز، ولاردا ەۋرو5 قۇجاتتارى قانداي دا ءبىر كەرەمەت جولمەن پايدا بولادى» دەپ ايتتى. مۇندا قاتاڭ ءتارتىپ ورناتۋ قاجەت»، - دەپ اتاپ ءوتتى ولجاس بەكتەنوۆ.