قازاقستاندا اتوم ەلەكتر ستانساسىن قاي ەل سالۋى مۇمكىن

استانا. KAZINFORM - بۇگىن ۇكىمەت وتىرىسىندا «قازاقستاننىڭ اتوم ەلەكتر ستانساسى» ج ش س باس ديرەكتورى تيمۋر جانتيكين ا ە س قۇرىلىسىنا قاتىستى شورت-پاراقشاعا قاي ەلدەر كىرگەنىن اتادى.

«2019 -جىلى ءبىز ەڭ وزىق شەتەلدىك اتوم تەحنولوگيالارىن جەتكىزۋشىلەردەن مىندەتتى ەمەس تەحنيكالىق- كوممەرتسيالىق ۇسىنىستاردى الۋ بويىنشا ماركەتينگتىك پروتسەدۋرانى جۇرگىزدىك. ناتيجەسىندە قىتايدان، وڭتۇستىك كورەيادان، رەسەيدەن، فرانسيادان جانە ا ق ش- تان 6 ۆەندوردان 13 زاماناۋي رەاكتور جوباسىن الدىق. ۇسىنىلعان تەحنولوگيالاردى الدىن الا باعالاۋ ءۇشىن الەمدىك تاجىريبە مەن ماگاتە ۇسىنىمى نەگىزىندە ءوزىمىزدىڭ باعالاۋ جۇيەمىزدى ازىرلەدىك. ونى فرانسيانىڭ تانىمال Assystem ينجينيرينگ كومپانياسى ماقۇلدادى»، - دەدى ول.

تيمۋر جانتيكيننىڭ دەرەگىنشە، وسىدان كەيىن 4 جەتكىزۋشى شورت-پاراقشاعا ەنگىزىلگەن:

 PR1000 رەاكتورىمەن قىتايلىق CNNC كومپانياسى؛

 APR1000 جانە APR1400 رەاكتورلارىمەن كورەيلىك KHNP كومپانياسى؛

 ВВЭР-1200 رەاكتورىمەن رەسەيلىك روس اتوم كومپانياسى؛

 PR1200 تەحنولوگياسىمەن فرانسيالىق EDF كومپانياسى.

«سەرىكتەستەر ۇسىنىسى نەگىزىندە تەحنولوگيالاردى تاڭداۋدان بولەك جوبانىڭ شامامەن قۇنى، ونىڭ مەرزىمى، قارجىلاندىرۋ ادىستەرى مەن كوزدەرى تۋرالى تۇسىنىك قالىپتاستى»، - دەدى سەرىكتەستىك باس ديرەكتورى.

ەسكە سالا كەتەيىك، بۇعان دەيىن ا ە س- تەن شىققان وتىن قالدىعىن قايتادان كادەگە جاراتۋعا بولاتىنى تۋرالى جازعان ەدىك.

اۆتور

مارلان جيەمباي